वीरगन्ज । पर्सा प्रहरीले तस्करबाट बरामद गरेको मोबाइलमध्ये केही मोबाइल गायब भएको छ । जिल्ला प्रहरी कार्यालय पर्साको क्राइम टोलीले बरामद गरेको १६ वटा तस्करीको मोबाइलमध्ये ७ वटा मोबाइल गायब भएको हो ।
बिशेष सूचनाको आधारमा जिल्ला प्रहरी कार्यालय पर्साको क्राइम टोलीका हवल्दार खुसीलाल यादव तथा जवान पियम्बर अन्सारीले बुधबार साँझ करिब ७ बजेको समयमा बीरगञ्ज महानगरपालिका–१६ नागवाबाट बिभिन्न कम्पनीका १६ थान महँगा मोबाइलहरु बरामद गरेको थियो ।
तीन जना महिला तस्करहरुबाट क्राइमको टोलीले १६ थान मोबाइल बरामद गरेकोमा जिल्ला प्रहरी कार्यालयमा ९ वटा मात्रै मोबाइल बरामद गरेको जाहेरी गरेकोले ७ वटा मोबाइल बाटोमै गायब भएको हो ।
भारतीय बिभिन्न कम्पनीका मोबाइलहरु १६ थान बरामद भएपनि पर्सा प्रहरीले उक्त मोबाइल हालसम्म सार्बजनिक नगरेको कारण पनि प्रहरी कार्यालयबाट नै मोबाइल गायब भएको टिका टिप्पणी हुन थालेको छ ।
साधारण १० केजी मदिरा नष्ट गर्दा विज्ञप्तीसहित समाचार पठाउने जिल्ला प्रहरी कार्यालयले ३ लाख भन्दा बढीको मोबाइल बरामद गर्दा पनि सार्बजनिक नगर्नाले प्रहरी कार्यालयका उच्च पदस्तका कर्मचारीहरुकै मिलोमतोमा मोबाइल गायब गरिएको हो कि भन्ने प्रश्न उठेको छ ।
यसबारे जिल्ला प्रहरी कार्यालय पर्साका प्रहरी नायब उपरीक्षक मनोजित कुँवरसँग बुझ्दा उहाँले चित्त बुझदो जवाफ दिएनन् । मोबाइल बरामद भएकै दिनदेखि हालसम्म कतिवटा मोबाइल बरामद भएको हो भनेर बुझ्दा प्रनाउ कुँवरले ८–९ वटा होला भनेर बेतुकका जवाफ दिने गरेका छन ।
यता पर्साकी प्रहरी उपरीक्षक गँगा पन्तसँग बुझ्दा उनले ९ वटा मोबाइल बरामद भएको बताइन । प्रहरीले १६ वटा मोबाइल बरामद भएको कुरा छ भनेर बुझ्दा बरामद गरेको टोलीले ९ वटा मोबाइल मात्रै बरामद गरेको भनेर जाहेरी गरेको हुनाले त्यति रहेको बताइन ।यो समाचार हरिशंकर सर्माले न्युज२४ को लागि त्यार पार्नुभएको छ।पर्सामा तस्करी को दोर चलेको छ।https://youtu.be/7tHhtu5KPE0
