वीरगंज। वीरगंज महानगरपालिका वडा नम्बर ३० को परसोतीपुरमा निर्माण सम्पन्न ढलान सडक तथा नालाको समुद्घाटन सम्पन्न भएको छ ।पर्सा निर्वाचन क्षेत्र नम्बर १ बाट निर्वाचित प्रतिनिधिसभा सदस्य प्रदिप यादवले आफ्नो संसदीय कोषको रकमबाट निर्माण गरेको सडक ढलान तथा नाला निर्माणको बिहिबार एक कार्यक्रम बीच समुद्घाटन गरेका हुन् ।
वीरगंज महानगरपालिकासमेतको सहयोगमा निर्मित सडक तथा नाला निर्माण पश्चात उक्त क्षेत्रका वासिन्दाहरुले लामो समयदेखि खेप्दै आएको शास्तीको अन्त्य हुने भएको छ ।समुद्घाटन कार्यक्रमलाई सम्बोधन गर्दै जनता समाजवादी पार्टीका नेता समेत रहेका सांसद् यादवले यस क्षेत्रको विकासको लागी जनताको जनचाहना अनुरुप विकास कार्यहरू अगाडी बढिरहेको बताए ।
उनले जनताको मतलाई सम्मान गर्दै आफुले जनताको हरेक इच्छालाई पुरा गर्न हरेक सम्भव प्रयास गरिरहेको जानकारी समेत दिए । उनले छिट्टै पर्सामा अन्य विकास निर्माणका कामहरु पनि हुने प्रतिबद्धता जनाउँदै सबै पक्षको साथ् र सहयोगको अपेक्षा रहेको बताए ।
कार्यक्रममा प्रदेश नम्बर २ का प्रदेशसभा सदस्य जनत अन्सारीलगायत स्थानीय नेता तथा कार्यकर्ता हरूको उल्लेखनीय उपस्थिति रहेको यादवका स्वकीय सचिव निखिल बरनवालले बताए ।
