अमेरिकी राष्ट्रपति डोनाल्ड ट्रम्पलाई डिक्जोमेथाजोन नामको औषधी दिन थालिएको छ । रगतमा अक्सिजनको मात्र कम भएपछि ट्रम्पलाई यो औषधी दिन थालिएको हो ।

अहिले ट्रम्पलाई यो औषधी दिन थालिए पनि उनी सोमबार अस्पतालबाट डिस्चार्ज हुनसक्ने बताइएको छ ।

यसअघि आजै ट्रम्पले ट्विटरमा एक ट्विट राख्दै आफू ठिक भएर फर्किने विश्वासमा रहेको बताएका थिए ।

डिक्जोमेथाजोन स्टेरोयड हो जसले शरीरको तापक्रम घटाउन मात्र सहयोग गर्दैन, शरीरको प्रतिरोधात्मक क्षमता पनि बढाउँछ ।

पछिल्लो समय कोभिड १९ को उपचारमा यसलाई निकै महत्वपूर्ण औषधीका रुपमा लिन थालिएको छ ।