बर्दिवास ।पत्रकार पुनर्वहालीको माग गर्दै रेडियो नेपालको प्रादेशिक प्रशारण कार्यालय बर्दिबास अगाडी पत्रकारहरुको धर्ना पत्रकार पुनर्वहालीको माँग गर्दै बर्दिवास स्थित रेडियो नेपालमा धर्ना दिपायलबाट निकालिएका ३ जना पत्रकारहरुको पुनर्वहालीको माँग गर्दै महोत्तरी स्थित रेडियो नेपाल प्रादेशिक प्रशारण कार्यालय बर्दिबासमा पत्रकारहरुले धर्ना दिएका छन् । आईतबार बर्दिवासमा रहेको रेडियो नेपालको प्रादेशिक प्रशारण कार्यालयको मुलढोका बन्द गरेर एक घण्टासम्म उनीहरुले धर्ना दिएका हुन् ।

रेडियो नेपालबाट निकालिएका पत्रकारहरुको पुर्नवहाली र श्रमजिवी पत्रकार ऐन कार्यान्वयनको माँग गर्दै नेपाल पत्रकार महासंघ महोत्तरी शाखाका अध्यक्ष कमलेश मण्डलको अध्यक्षतामा महासंघका केन्द्रिय सदस्यत्रय देवकुमार यादव, अवधेश झा र शैलेन्द्र झा तथा पत्रकार महासंघ प्रदेश नम्बर २ का महासचिव किरण कर्ण लगायतका एक दर्जन भन्दा बढी पत्रकारहरुको उपस्थितीमा प्रादेशिक प्रशारण कार्यालयमा धर्ना दिएका छन् ।

दिपायलस्थित रेडियो नेपालबाट पत्रकारत्रय सुनिता रावल, प्रकाश बम र चक्र कुँवरलाई निष्कासित गरेको थियो ।