बिरगंज ।मधेस आन्दोलनका जिउदो सहिद मुन्सी पटेललाई नारायणी अस्पताल पुगि नेपाली काङ्ग्रेस पर्साका सदस्य देव प्रकाश पटेलले फलफूल , जुस र नगद सहयोग गरे ।मधेस आन्दोलनका घाइते मुन्सी राज पटेलको अवस्था बुझ्न नेपाली काङ्ग्रेस पर्साका जिल्ला सदस्य देव प्रकाश पटेल लगायत नेबि संघका उपाध्यक्ष शेष हजरा , दिनानाथ गुप्ता , युवा नेता बिट्टु पटेल , युथ काङ्ग्रेस नेपालका प्रदेश न.२ का सदस्य राहुल गुप्ता लगायतका नेबि संघका जिल्ला सदस्यहरु बिहीबार नारायणी अस्पताल पुगेका थिए ।

पर्सा जिल्ला बिरगंज महानगर पालिका वडा न.२८ बगही घर भएको मुन्सी राज पटेल २०७२ साल असोज ३ गते संविधान दिवसको दिन खुट्टामा गोलि लागि घाइते भएका थिए ।घाइतेको एक बर्ष उपचार मै बित्यो ।उपचारको क्रममा ६ महिना काठमाडौं , ६ महिना नारायणी अस्पतालमा र २ महिना दिल्लीमा बसेर उपचार गराएको र अहिले सम्म बायाँ खुट्टामा गोलि रहेको र हिडडुल गर्न नसक्ने र बेला बेलामा खुट्टा दुख्ने बताए।

चुनावको बेला सबै पार्टीका नेता कार्यकर्ताहरु आउने हालखबर बुझ्ने र २-४ हजार सहयोग दिने पनि गर्दथे।चुनाव जिते पछी शहिदको सपना पूरा गर्छौ, शहिद परिवारलाई ५० लाख , एक जनालाई स्थायी नोकरी दिने , घाइतेको निसुल्क उपचार गराउने , सहिद र घाइते परिवारका बालबच्चाको पढाई लेखाइ निसुल्क गर्ने भनेर वाचा गरेर मधेसी पार्टीका नेता मन्त्री , मुख्यमन्त्री भए तर केहिलाई करारमा नोकरि लगाएको , २ लाख मात्र पाएको मधेसको हक अधिकारको लागि जो सहिद भए त्यसलाई उपेक्षा गरेको भन्दै आ- आफ्नो मान्छे र कार्यकर्ताहरुलाई रोजगारी दिएको र घर बनाएको आरोप मुन्सी पटेल लगाएका थिए ।

त्यसै गरि आज शुक्रबार नेपाली काङ्ग्रेस पर्साका जिल्ला सदस्य देव प्रकाश पटेल नारायणी अस्पताल पुगि मुन्सी पटेललाई फलफूल , जुस र नगद सहयोग गरेका थिए ।