एजेन्सी । भारतीय उपराष्ट्रपति वैंकया नायडुलाई कोरोना संक्रमण भएको छ । उपराष्ट्रपति नायडुलाई मंगलबार कोरोना संक्रमण पुष्टि भएको हो । भारतीय उपराष्ट्रपतिको सचिवालयले ट्वीटरमार्फत सो कुराको जानकारी दिएको छ ।

सचिवालयले ट्वीट गर्दै भनेको छः ‘भारतका उपराष्ट्रपतिको आज बिहान नियमित कोरोना परीक्षण गरिएको थियो, नतिजा पोजेटिभ आएको छ । यद्यपि, उहाँ कुनै लक्षण देखिएको छैन, उनी अहिले स्वस्थ रहेका छन् ।’

ट्वीटमा भनिएको छः ‘उनलाई होम क्वारेन्टाइनमा बस्न सल्लाह दिइएको छ । उनकी श्रीमती उषा नायडुको पनि कोरोना परीक्षण गरिएको थियो, उनको भने नतिजा नेगेटिभ आएको छ । उनी अहिले सेल्फ आइसोलेसनमा रहेकी छिन् ।’