सर्लाही । सर्लाहीको हरिवन नगरपालिकामा लखनदेही खोलामा डुबेर एक वृद्धको मृत्यु भएको छ । डुबेर मृत्यु हुनेमा हरिवन नगरपालिका वडा नं. ३ मोहनपुर बस्ने अन्दाजी ८६ वर्षीय वृद्ध पदम बहादुर परियार रहेको जिल्ला प्रहरी कार्यालय सर्लाहीले जनाएको छ ।

शनिवार (आज) बिहान अन्दाजी ७ बजेको समयमा परियार नबलपुर जान्छु भनी बिहानै घरबाट निस्की हिँडेकोमा नजिकैको लखनदेही खोलामा डुबी मृत्यु परियारको मृत्यु भएको जिल्ला प्रहरी कार्यालय सर्लाहीका प्रहरी प्रवक्ता मदन कुँवरले जानकारी दिए । मृतक परियारको शव अहिले पोष्टमार्टमका लागि मलंगवा अस्पताल सर्लाहीमा राखिएको प्रवक्ता कुवरले बताए ।

यसैगरी मृतक परियारको आर्थिक अवस्था ज्यादै न्यून रहेकोले शव पोष्टमार्टमका र शवबाहनको सम्पूर्ण खर्च छहारी समुहका सदस्यहरुले सहयोग प्रदान गरेपछि शव मलंगवा लगिएको हरिवन नगरपालिका वडा नं. ३ निवासी सामाजिक अभियानता तथा समाजसेवी सन्जिव मोक्तान जानकारी दिए ।