विरगंज । कोरोना भाइरसको महामारीपछि क्याम्पस खुलेको पहिलो दिन चीनको हुपई प्रान्तको वुहानमा मास्क लगाएर कक्षा कोठामा पठनपाठन गरिरहेका एक शिक्षिका र उच्च विद्यालयका विद्यार्थीहरुको सन् २०२० को मे ६ मा खिचिएको फाइल तस्वीर ।

वुहानले मंगलवारदेखि सबै विद्यालय र किन्डरगार्टेन पुनः खुलाउन लागेको स्थानीय अधिकारीहरुले बताएका छन् । मंगलवार शहरभरका करीब २ हजार ८४२ शैक्षिक संस्थाहरु खुल्ने क्रममा छन् ।

जोखिमको स्तर परिवर्तन भएमा पुनः अनलाइन कक्षा सञ्चालन गर्ने योजना समेत बनाइएको छ । विद्यालय जाँदा र फर्किदा विद्यार्थीहरुलाई मास्क लगाउन र सम्भव भएसम्म सार्वजनिक यातायातका साधनको प्रयोग नगर्न सुझाव दिइएको छ ।

विद्यालयहरुलाई रोग नियन्त्रक उपकरणहरु स्टकमा राख्न र नयाँ महामारी फैलिइ हाल्यो भने सोसँग जुध्ने तयारी स्वरुप अभ्यास र तालिमहरुको आयोजना गर्न समेत आदेश दिइएको छ ।