विरगंज । विरगंजमा थप २ जनाको कोरोनाबाट मृत्यु भएको छ । कोभिड अस्पतालमा उपचार गराउँन पुगेका दुई पुरुषको मृत्यु भएको हो । योसँगै पछिल्लो २४ घण्टाभित्र कोरोनाबाट ३ व्यक्तिको मृत्यु भएको छ ।

वीरगञ्जको गण्डक बहुअरीस्थित वीरगञ्ज हेल्थ केयर अस्थायी कोभिड अस्पतालमा उपचाररत मनियारीका पुरुषको स्वास्थ्य अवस्थामा सुधार नआएपछि थप उपचारका लागि शुक्रबार राति १२ बजे काठमाण्डौ रिफर गरिएको थियो ।

निमोनियाको समस्या भएपछि उनलाइ चार दिन पहिले तराई हस्पिटलमा भर्ना गरिएको थियो । त्यही उनको स्वाब संकलन गरेर नारायणी अस्पतालको प्रयोगशालामा पीसीआर जाँच गर्दा उनमा कोरोना पुष्टि भएपछि शुक्रबार उनलाई वीरगञ्ज हेल्थ केयर कोभिड अस्पतालमा लगेर भर्ना गरिएको थियो । मृत्यु हुने पुरुषको निर्माण व्यवसायी प्रमोद यादव हुन् । उनि पर्सा क्षेत्र नं. १ का प्रतिनिधिसभा सदस्य प्रदीप यादवका चचेरा भाइ हुन् ।

हेपाटाइटिस बी र एचआइभी एड्स संक्रमित रहेका ती पुरुषको स्वास्थ्यमा समस्या भएपछि तीन दिन पहिले नेशनल मेडिकल कलेजमा भर्ना गरिएको थियो।

मेडिकल कलेजमा उपचारकै क्रममा उनको स्वाब संकलन गरी पीसीआर परीक्षण गर्दा उनमा कोरोना संक्रमण पुष्टि भएपछि शुक्रबार साँझ वीरगञ्ज हेल्थ केयर कोभिड अस्पतालमा रिफर गरिएको थियो । कोभिड अस्पतालमा उपचारका क्रममा उनको शुक्रबार राति १२ बजे मृत्यु भएको डाक्टर चौरसीयाले जानकारी दिए ।