वीरगंज | नेपालमा पछिल्लो २४ घण्टामा थप ८ सय ८५ जनामा कोरोना संक्रमण पुष्टि भएको छ । त्यससँगै नेपालमा कोरोना संक्रमितको संख्या ३४ हजार ४ सय १८ पुगेको स्वास्थ्य मन्त्रालयका प्रवक्ता डा जागेश्वर गौतमले जानकारी दिए ।
त्यस्तै हालसम्म कुल संक्रमितमध्ये ५६ दशमलव ६ प्रतिशत अर्थात १९ हजार ५ सय ४ जना कोरोना उपचारपछि निको भएर घर फर्किएका छन् । बितेको २४ घण्टामा मात्र थप ३ सय ८५ जना कोरोना मुक्त भइ घर फर्किएका हुन् ।
नेपालमा कोरोना संक्रमणको कारण मृत्यु हुनेको संख्या १ सय ७५ पुगेको छ । बितेको २४ घण्टामा मात्र कोरोनाको कारण थप ११ जनाको मृत्यु भएको प्रवक्ता डा गौतमले जानकारी दिए । हाल नेपालमा सक्रिय संक्रमितको संख्या १४ हजार ७ सय ३९ रहेको छ । पछिल्लो समय काठमाडौं उपत्यकामा कोरोना संक्रमितको संख्या बढिरहेको छ ।
आज अहिलेसम्मकै धेरै ३ सय १ जनामा कोरोना संक्रमण पुष्टि भएको छ । जसमध्ये काठमाडौंका २ सय ३० जना, ललितपुरका ४७ जना र भक्तपुरका २४ जना रहेका छन् । त्यस्तै हाल नेपालमा ९ हजार ८ सय ३२ जना क्वारेन्टाइनमा रहेका छन् ।
कुन जिल्लामा कति थपिए संक्रमित ?
कोरोनाको कारण थप ११ जनाको मृत्यु, मृतक संख्या १७५ पुग्यो
नेपालमा पछिल्लो २४ घण्टामा कोरोनाको कारण थप ११ जनाको मृत्यु भएको छ ।
मृत्यु हुनेमा २ जना महिला र ९ जना पुरुष रहेका छन् । त्यससँगै नेपालमा कोरोनाको कारण मृत्यु हुनेको संख्या १ सय ७५ पुगेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए ।
मृत्यु हुनेमा मोरङकी ४६ वर्षीया महिला, ५३ वर्षीया महिला भक्तपुरकी रहेकी छिन् । त्यस्तै कैलालीका २ जना ४५ र ५० वर्षीय पुरुष, महोत्तरीका ६०, ७२ र ७५ वर्षीय पुरुष, बाँकेका ३७ वर्षीय पुरुष, काठमाडौंका ५१ वर्षीय पुरुष, बाराका ४१ र ४६ वर्षीय २ जना पुरुष रहेको स्वास्थ्य मन्त्रालयका प्रवक्ता डा गौतमले जानकारी दिए ।
उपत्यकामा थपिए हालसम्मकै धेरै कोरोना संक्रमित
काठमाडौं उपत्यकामा बितेको २४ घण्टामा थप ३०१ जनामा कोरोना संक्रमण पुष्टि भएको छ ।
जुन अहिलेसम्मकै सबैभन्दा बढी हो । जसअनुसार काठमाडौंमा २ सय ३०, भक्तपुरमा २४ र ललितपुरमा ४७ जना संक्रमित थपिएको स्वास्थ्य मन्त्रालयका प्रवक्ता डा जागेश्वर गौतमले जानकारी दिए ।
कुन प्रदेशमा कति जना संक्रमण मुक्त ? (पछिल्लो विवरणसहित)
नेपालमा बितेको २४ घण्टामा थप ३ सय ८५ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त हुनेको संख्या १९ हजार ५ सय ४ जना रहेको छ ।
कुल संक्रमण मध्ये ५६.६ प्रतिशत संक्रमित कोरोना संक्रमण मुक्त भई अस्पतालबाट डिस्चार्ज भएका स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले जानकारी दिए ।
प्रदेश १ मा १३५६ जना
प्रदेश २ मा ४३१५ जना
वाग्मती प्रदेश ९१९ जना
गण्डकी प्रदेशमा १६५२ जना
प्रदेश ५ मा ४६५१ जना
कर्णाली प्रदेशमा २०१७ जना
सुदूरपश्चिम प्रदेशमा ४५९४ जना
घट्दै क्वारेन्टाइनमा बस्नेको संख्या, हाल कुन प्रदेशमा कति छन् ? (विवरणसहित)
नेपालमा हाल कुल ९ हजार ८ सय ३२ जना क्वारेन्टाइनमा रहेका छन् ।
पछिल्लो समय क्वारेन्टाइनमा बस्नेको संख्या घटिरहेका छन् । हाल क्वारेन्टाइनमा रहेकामध्ये सबैभन्दा बढी सुदूरपश्चिम प्रदेशमा ३ हजार १ सय ८६ रहेका छन् । भने सबैभन्दा कम कर्णाली प्रदेशमा ५ सय १४ रहेको स्वास्थ्य तथा जनसंख्या मन्त्रालयको तथ्यांकले देखाएको छ ।
कुन प्रदेशमा कति छन् क्वारेन्टाइनमा ?
काठमाडौंसहित यी ७ जिल्लामा छन् ५०० भन्दा बढी उपचाररत कोरोना संक्रमित
नेपालका ७ जिल्लामा ५०० भन्दा बढी कोरोना संक्रमित रहेका छन् ।
हाल कोरोना संक्रमित नभएका यी २ जिल्ला
नेपालको ७७ जिल्लामध्ये हाल २ जिल्लामा कोरोना संक्रमित छैनन् । २ जिल्ला कोरोना संक्रमित मुक्त भएको स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता गौतमले जानकारी दिए ।
