वीरगंज संजालवीरगंज।पर्सा र बारामा थप २३ जना कोरोना संक्रमित थपिएका छन्। वीरगञ्जस्थित नारायणी हस्पिटलको ल्याबमा विभिन्न व्यक्तिहरुको पिसिआर प्रविधि मार्फत स्वाब परिक्षण गर्दा थप २३ जनामा कोरोना सङ्क्रमण देखिएको छ ।
सङ्क्रमितमा अस्पतालमा कार्यरत कर्मचारी, सरकारी वकिलको कार्यालयमा कार्यरत कर्मचारी, बैंकर र होटलमा कार्यरत कर्मचारीपनि रहेका छन् ।विभिन्नस्थानबाट श्रावन २६ गतेदेखि ३० गतेसम्म जम्मा गरिएको स्वाब परिक्षण गर्दा शुक्रबार राती बारा जिल्लाको २ जनासहित थप २३ जनामा कोरोना सङ्क्रमण पुष्टि भएको हो । सङ्क्रमितहरुको उमेर समुह ११ वर्षदेखि ६० सम्म रहेको छ । थपिएका सङ्क्रमितमा ७ जना महिलापनि रहेका छन् ।
अस्पतालले दिएको जानकारी अनुसार सङ्क्रमितमध्ये २ जना नारायणी अस्थायी कोभिड अस्पताल वीरगञ्ज हेल्थ केयर हस्पिटलमा कार्यरत कर्मचारीपनि रहेका छन् । दुवै सङ्क्रमित हाउस किपिंङ स्टाफ हुन् ।त्यस्तै नारायणी वयोधा हस्पिटल वीरगञ्जका एक जना हाउस किपिङ स्टाफ र एक जना क्यान्टिनमा कार्यरत स्टाफसहित दुई कर्मचारीमा कोरोना सङ्क्रमण पुष्टि भएको छ ।
सङ्क्रमित हुनेमा एक जना उच्च सरकारी वकिलको कार्यालयका खरिदार पनि रहेका छन् । त्यसैगरी स्वाबलम्बन लघुवित्त वित्तीय संस्थाका एक जना सह प्रबन्धक, जितपुरसिमरा उपमहानगरपालिकास्थित नेपाल इन्भेस्टमेन्ट बैंक जीतपुर शाखाका एक जना कर्मचारीमापनि सङ्क्रमण देखिएको नारायणी अस्पतालले जनाएको छ ।
वीरगञ्जमा रहेका सङ्क्रमितहरुलाई खाना खुवाउने जिम्मा लिएको हिमाल भान्छा घरका एक जना कर्मचारीमा पनि सङ्क्रमित भएका छन् ।वीरगञ्ज महानगरपालिकाको वडा नं. ६ माइस्थानका एक जना १९ वर्षीय पुरुष र एक जना ४० वर्षीय महिलागरी २ जना सङ्क्रमित भएका छन् भने वडा नं. २ छापकियाँ २ की एक जना २६ वर्षीय महिला सङ्क्रमित भएकी छन् ।
त्यस्तै वडा नं. १३ राधेमाईका एक जना ४२ वर्षीय पुरुष, वडा नं. १५ भिस्वाका र लक्षुमनवा ३० र ६० वर्षीय पुरुषगरी २ जना, वडा नं. १६ नगवाकी एक जना ४२ वर्षीय महिला, वडा नं. १८ भवानीपुरका ३० र ५५ वर्षका गरी २ जना पुरुष, वडा नं. २० अपौनी र हरपतगञ्जकी ११, ३५ र ६५ वर्षीय महिला र एक जना ५३ वर्षीय पुरुषगरी ४ जनामा सङ्क्रमण पुष्टि भएको छ । त्यस्तै परवानीपुरका एक जना र वीरगञ्जकै वडा नं. नखुलेका ४ जनामा पनि सङ्क्रमण पुष्टि भएको छ ।
त्यस्तै पर्साको पर्सागढी नगरपालिका वडा नं. ८ का एक जना २३ वर्षीय पुरुष र बारा जिल्लाको कलैया उपमहानगरपालिका वडा नं. १२ की १ ४१ वर्षीय महिला र जितपुरसिमरा उपमहानगरपालिकाका एक २८ वर्षीय पुरुषगरी २ जनामा सङ्क्रमण देखिएको नारायणी अस्पतालका मेडिकल सुपरिनटेन्डन्ट डा. मदनकुमार उपाध्यायले बताए ।
थपिएका सङ्क्रमितमध्ये अधिक्तम कन्ट्याक्ट ट्रेसिङमा परेका मध्ये छन् भने केही स्वेच्छाले आफ्नो जाँच गराएका मध्ये पनि छन् । एक जना महिला सङ्क्रमितलाई विगत दिनदेखि सामान्य ज्वरो आईरहेको र लक्षण देखिएको डा. उपाध्यायले जानकारी दिए ।
