वीरगंज  | प्रदेश २ मा पछिल्लो २४ घण्टामा १९९ कोरोना संक्रमित थपिएका छन्।शुक्रबार धनुषामा ५४ जना, पर्सामा ३२ जना, सर्लाहीमा २७ जना, रौतहटमा २४ जना, सप्तरीमा २१ जना, महोत्तरी र बारामा २०।२० जना र सिरहामा १ जनामा कोरोना संक्रमण पुष्टि भएको हो।नयाँ संक्रमित फेला परेका १९९ जना मध्ये ४७ जना महिला रहेको स्वास्थ्य निर्देशनालय प्रदेश २ का वरिष्ठ अधिकृत विजय झाले जानकारी दिए। योसँगै प्रदेश २ मा कोरोना संक्रमितको संख्या ६ हजार ६२७ पुगेको छ।

यस्तै पछिल्लो २४ घण्टामा यो प्रदेशमा कोरोना संक्रमणबाट २ जनाको मृत्यु भएको छ भने कएकजना मृतकमा कोरोना संक्रमण पुष्टि भएको छ। मृत्यु हुनेमा धनुषा जिल्ला जनकनन्दनी गाउँपालिका ४ का ५० वर्षीय एक पुरुष र सिरहाको बिष्णुपुर गाउँपालिका १ का ४० वर्षीय पुरुष रहेको स्वास्थ्य निर्देशनालयले जनाएको छ।

यस्तै सार्लाहीकी एक ६५ वर्षीय मृतक महिलाको रिपोर्ट पोजेटिभ आएको छ। योसँगै प्रदेश २ मा कोरोनाबाट मृत्यु हुनेको संख्या ४२ पुगेको छ। पछिल्लो २४ घण्टामा पाँच महिलासहित ४८ जना उपचार पश्चात कोरोना मुक्त भएर घर फर्केका छन्।