वीरगंज संजालसरकारले निजी प्रयोगशालालाई कोभिड-१९ को मोलिक्युलर (पिसिआर) परीक्षण गर्न अनुमति दिनेसम्बन्धी निर्देशिका, २०७७ जारी गरेको छ।
स्वास्थ्य तथा जनसंख्या मन्त्रालयले निजी प्रयोगशालालाई कोभिड-१९ को मोलिक्युलर (पिसिआर) परीक्षण गर्ने निर्देशिका जारी गरेसँगै अब निजी अस्पतालमा पनि (कोभिड १९) परिक्षण सुरु हुने भएको हो।
प्रयोगशालाहरूमा कोरोना भाइरस परीक्षणको लागि नमुना धेरै आउन थालेपछि आएका नमुनाहरू धेरै समय होल्डमा नरहून् भन्नका साथै परीक्षणको दायरा बढाउन निजी प्रयोगशाला र अस्पतालका प्रयोगशालालाई कोभिड—१९ को परीक्षण गर्न अनुमति दिने जनाएको छ।
मन्त्रालले हालै जारी गरेको निर्देशिकामा पिसिआर गर्न इच्छुक स्वास्थ्य संस्थाले राष्ट्रिय जनस्वास्थ्य प्रयोगशालाबाट सञ्चालन गर्न अुनमति लिनुपर्ने उल्लेख गरिएको छ। यस्तै, परीक्षण गर्ने निजी प्रयोगशालाले राष्ट्रिय जनस्वास्थ्य प्रयोगशालाले तोकेबमोजिमको मापदण्ड पूरा गरी बायोसेफ्टी लेबल २ को प्रयोगशाला स्थापना गर्नुपर्ने र परीणक्षको लागि इच्छुक प्रयोगशलालाले दैनिक २ सय परीक्षण गर्ने क्षमता राख्नु पर्नेसमेत पनि निर्देशिकामा उल्लेख छ। यस्तै, निजी प्रयोगशालाले पुलिङ टेष्ट भने गर्न पाउने छैनन्।
निजी प्रयोशशालाले सरकारी प्रयोगशालाबाट आएको नमूनालाई मात्र परीक्षण गर्ने र यसबापत सरकारले प्रतिनमुना अधिकतम पाँच हजार पाँच सय सोध भर्ना गर्नेसमेत निर्देशिकामा स्पष्ट गरिएको छ।
अनुमति पाएका प्रयोगशालाले मापदण्ड पूरा नगरेमा अथवा नीति नियम निर्देशिकाहरू पालना नगरेमा जुनसुकै बखत अनुमति खारेज गर्न सकिने व्यवस्थासमेत गरिएको छ।
हेर्नुस् निर्देशिका :
