वीरगंज | कोरोना भाईरसको संक्रमणबाट ललितपुरका एक ५९ वर्षीय पुरुषको मृत्यु भएको छ । ललितपुरको बुङमतीका ५९ वर्षीय पुरुषको बुधबार राती मृत्युभएको ललितपुरका जनस्वास्थ्य प्रमुख खगेश्वर गेलालले जनाए।

मृतक ललितपुरको भैंसेपाटीका स्थायी निवासी हुन् । उनको बुधबार किस्ट अस्पतालमा उपचारको क्रममा मृत्यु भएको र कारोनाको आशंकामा स्वाब संकलन गरेर राष्ट्रिय जनस्वास्थ्य प्रयोगशालामा पीसीआर टेस्ट गराउँदा कोरोना पोजेटिभको रिपोर्ट आएको हो ।

मृतक लिभरसम्बन्धी रोगबाट ग्रस्त थिए । ​मृतककाे शव अस्पतालमै रहेको छ ।योसँगै नेपालमा कोरोनाबाट ज्यान जानेको संख्या ५ पुगेको छ।बुधबार साँझसम्म संक्रमितको संख्या भने ९ सय १ पुगेको छ।