काठमाडौँ । आगामी आर्थिक वर्षको नीति तथा कार्यक्रमको छलफलका क्रममाम उठेका प्रश्नहरुको प्रधानमन्त्री केपी शर्मा ओलीले आज जावाफ दिनुहुने भएको छ । शुक्रबार संसदको दुवै सदनलाई सम्बोधन गर्दै राष्ट्रपति विद्यादेवी भण्डारीले सरकारको बार्षिक नीति तथा कार्यक्रम सार्वजनिक गर्नुभएको थियो ।
आइतबारदेखि प्रतिनिधि सभामा सुरु भएको नीति तथा कार्यक्रममाथिको छलफल सोमबार सकिएपछि आज प्रधानमन्त्री ओलीले छलफलका क्रममा उठेका प्रश्नहरुको जवाफ संसदमा दिन लाग्नुभएको हो । छलफलका क्रममा प्रतिपक्षमा रहेका सवै राजनीतिक दलहरुले नीति तथा कार्यक्रमको विरोध जनाएका छन् ।
कोरोना संक्रमणको महामारीबाट बच्नका लागि आवस्यक विषयहरु नीति तथा कार्यक्रममा नसमेटिएको र अनावस्यक कार्यक्रमहरुको मात्रै दस्तावेज आएको भन्दै प्रमुख प्रतिपक्षी दल नेपाली कांग्रेस संशोधन प्रस्ताव दर्ता गराउदै कोरोनाबिरुद्ध लड्न राष्ट्रिय संकल्पको सामुहिक एजेण्डा बनाउनुपर्ने माग राखेको छ ।
आज मध्यान्ह १२ बजे बस्ने प्रतिनिधि सभाको बैठकमा नीति तथा कार्यक्रममाथि सांसदहरूबाट प्राप्त संशोधनहरूलाई निर्णयार्थ प्रस्तुत गरिनेछ । त्यसपछि राष्ट्रपतिबाट प्रस्त्तुत नेपाल सरकारको वार्षिक नीति तथा कार्यक्रमलाई सभामुखले निर्णयार्थ प्रस्तुत गर्नुहुने कार्यक्रम रहेको संसद सचिवालयले जनाएको छ । प्रधानमन्त्रीले आफना कुरा राखेपछि प्रश्नको जवाफ दिने कार्यक्रम छ ।
