काठमाडौं | लकडाउनको समयमा सैनिक पोशाकको दुरुपयोग भएको पाइएको छ। आइतबार नेपाली सेनाले ट्राफिक प्रहरीसँगको समन्वयमा गरेको चेकजाँचका क्रममा सैनिक पोशाकको दुरुपयोग भएको पाइएको हो।

आइतबार चेकजाँचको क्रममा दोलखा घर भइ बाँसबारीमा होटल व्यवसाय गर्दै आएका गैर सैनिक सुशील खड्काले सेनाको पोशाक दुरुपयोग गरेको पाइएको सैनिक मुख्यालय जंगी अड्डाल जनाएको हो।

उनी नेपाली सेनाको सैन्य आधार तालिममा रहँदा २०६८ भागेको खुलेको छ। सोही समयदेखि आफूले राखेको पोशाक दुरुपयोग गरेर लकडाउनमा निर्वाध रुपमा हिँडडुल गरेको पाइएको जंगी अड्डाले जनाएको छ।

जंगी अड्डाले विज्ञप्ति सार्वजनिक गर्दै उनलाई सैनिक प्रहरी गणमा राखेर कारबाही अगाडि बढाएको जानकारी दिएको छ।