जनकपुर । धनुषामा हतियार सहित दुईजनालाई पक्राउ गरिएको छ ।
जिल्ला प्रहरी कार्यालय धनुषाको अनुसार शहिदनगर नगरपालिकाबाट दुई जनालाई हतियार सहित पक्राउ गरिएको हो ।
पक्राउ पर्नेहरुमा धनुषाको कमला नगरपालिका ८ हरिने बस्ने १८ वर्षीय अक्षय पासवान र सोहि ठाउँ बस्ने २० वर्षीय सुनिलकुमार साह रहेको प्रहरीले जनाएको छ ।
२ नम्बर प्रदेश प्रहरी कार्यालयका प्रवक्ता डीएसपी जयराज सापकोटाले विशेष सुचनाको आधारमा शहिदनगर नगरपालिका ३ झन्डा चोकबाट सादा पोसाकमा खटिएका प्रहरी टोलीले ज १२ प ५१६५ नम्बरको मोटरसाईकललाई रोकी चेकजाँच गर्दा हतियार फेला परेको बताउनुभयो ।
डीएसपी सापकोटाले पक्राउ पर्नेहरुको साथबाट एक थान कटुवा पेस्तोल र त्यसमा लाग्ने गोली ३ थान बरामद भएको बताउनुभयो ।
पक्राउ परेका दुबैजनालाई हतियार र मोटरसाईकल सहित नियन्त्रणमा लिई जिल्ला प्रहरी कार्यालय धनुषाको हिरासतमा राखी आवश्यक अनुसन्धान भईरहेको प्रहरीले जनाएको छ ।
