राष्ट्र बैंकले यसअघि नै एटीएमबाट रकम निकाल्न सक्ने विद्यमान व्यवस्थामा समेत कडाइ गरिसकेकाे छ । एटीएम ह्याकिङ प्रकरणले थप सुरक्षा चुनाैती थपेको भन्दै राष्ट्र बैंकले एक दिनमा ६० हजार र एकपटकमा २० हजार रुपैयाँ मात्रै निकाल्न सक्ने व्यवस्था गरेको हाे । यसअघि एटीएमबाट एक दिनमा १ लाख र एक पटकमा २५ हजार रुपैयाँसम्म झिक्न पाइन्थ्याे । याे व्यवस्था कार्यान्वयनका लागि राष्ट्र बैंकले बिहीबार नै परिपत्र गरिसकेको  छ।