लगातारको आलोचनापछि प्रधानमन्त्री केपी शर्मा ओलीको अध्यक्षतामा बसेको उच्च स्तरीय समितिको बैठकले सम्बन्धित सबै निकायलाई पैदल यात्रीलाई यथास्थानमा रोकिन र उनीहरुलाई खानपानको व्यवस्था गर्न निर्देशन दिएको थियो । यस्तै उनीहरुलाई उपलब्ध गाडीमा मिलाएर राखी पठाउने व्यवस्था मिलाउन पनि भनिएको थियो । सोही अनुसार गृह मन्त्रालयले प्रहरी प्रशानलाई बाटोमा पैदल हिँडेकाहरुलाई सहयोग गर्न निर्देशन दिएको हो ।
इलाका प्रहरी कार्यालय खानीखोलाका प्रहरी निरीक्षक रुपबहादुर खड्काले गृहको निर्देशन अनुसार पैदल यात्रीलाई गाडी आफै रोकेर चठाउन भनेपछि प्रहरी जवानहरु समूहमा हिँडेका यात्रीलाई रोकेर ट्रक तथा लरीमा चढाइरहेका छन् ।
