मलेसिया | कृष्णा गुप्ता  | मलेसियामा तलब नपाएका ४४ जना नेपाली श्रमिकहरुले तलब पाउने भएका छन । मलेसियाको राजधानी क्वालालम्पुर नजिकै बांगी स्थित येङ हुङ सोफा कम्पनीमा कार्यरत तलब नपाएका ४४ जना नेपाली श्रमिकहरुलाई कम्पनीले तलब उपलब्ध गराउने प्रतिबद्धता व्यक्त गरेकाे हाे ।

तलब नदिए पछि दैनिक खाध्यन्नमा समेत समस्या परेको भन्दै अप्रिल १३ तारीख नेपाली दुतावास मलेसिया, सम्बन्धित मेनपावर तथा मिडियालाई श्रमिकहरुले जानकारी गराएका थिए ।

त्यसलगतै नेपाली दुतावास मलेसियाले सम्बन्धित मेनपावर तथा कम्पनीलाई सम्पर्क गरि सम्पुर्ण श्रमिकहरुलाई बेसिक तलब उपलब्ध गराउनको लागि निर्देशन दिई सकेकाे दुतावास स्राेत जनाएको छ । दुतावासकाे निर्देशनपछि कम्पनीले लगतै तलब उपलब्ध गराउने प्रतिबद्धता व्यक्त गरेकाे स्राेतले बतायो ।

साथै कम्पनिले सबै श्रमिकको तलब अप्रिल २८ तारीख सम्ममा उपलब्ध गराउने कुराेमा सहमति भएको उक्त कम्पनीमा कार्यरत एक नेपाली श्रमिकहरुले बिरगंज संजाल लाई जानकारी दिएका छन ।

मलेसियाको राजधानी क्वालालम्पुर नजिकै जालान बांगी स्थित यु हुङ सोफा एसडिएन बिएचडी (Yew Hoong Sofa Product Sdn. Bhd. ) नामक कम्पनीमा कार्यरत ४४ जना नेपाली श्रमिकहरुलाई कम्पनीले तलब उपलब्ध गराउने प्रतिबद्धता व्यक्त गरेकाे सोही कम्पनीमा कार्यरत श्रमिकहरुले बिरगंज संजाल को टेलिफोन बार्तामा बताए ।

गएको महिना मार्च २० तारिखसम्म काम गरेको तलब कम्पनीले नदिएको भन्दै श्रमिकहरुले न्याय दिलाउन माग गर्दै आफ्नो समस्या सहित बिरगंज संजाल लाई एक भिडियो क्लिप पठाएका थिए , सो भिडियो क्लिप बिरगंज संजाल को सम्पादक कृष्ण गुप्ता समाचार सहित सार्वजनिक गरेको केहिसमयमै अत्याधिक भाइरल भएको थियो।

गत जनवरी ३१ तारीख बेटा मेनपावर रिसर्च प्राली काठमाडौबाट मलेसिया आएका ती श्रमिकहरुले मार्च महिनाको बेसिक तलब पनि पाएका थिएनन् । उनिहरुले मार्च २० सम्म ड्युटी गरेको बताएका छन । यसअघि उनिहरुलाई २ सयका दर कम्पनिले रकम उपलब्ध गराएपनि पुर्ण तलब पाउनेपर्ने भन्दै रकम अस्विकार गरेकाे श्रमिकहरुले बताएका थिए ।