नयाँ दिल्ली । बलिउड अभिनेता रणवीर कपूर आफ्नो आगामी फिल्म ‘रामायण’लाई लिएर धेरै समयदेखि हेडलाइनमा छाइरहेका छन् । यो फिल्म नितेश तिवारीले निर्देशन गरेका हुन् । फिल्म दुई भागमा बनाइदैंछ । फिल्मको पहिलो भागको सोमबार छायाङ्कन सकिएको छ । सेटबाट र्याप अप पार्टीका तस्बिर र भिडियो बाहिर आएका छन्, जसमा सम्पूर्ण स्टार कास्ट केक काट्दै रमाइलो गरिरहेको देखिन्छ । यसैबिच, रणवीर कपूरले अभिनेता रवि दुबेलाई अँगालो हालेको देखिएको थियो ।
यस पार्टीमा फिल्मका निर्देशक नितेश तिवारीले भाषण दिएका थिए । उनको भाषण पछि, सम्पूर्ण स्टार कास्टले ताली बजाएको देख्न सकिन्छ । नितेश तिवारीको रामायणमा रणवीर रामको भूमिकामा छन् भने रवि दुबै लक्ष्मणको भूमिकामा छन् । दक्षिण भारतीय अभिनेत्री साई पल्लवी सीताको भूमिकामा छिन् । सामाजिक सञ्जालमा देखिएको तस्बिर र भिडियोमा अभिनेत्री साई पल्लवी देखिएकी छैनन् ।
रावणको भूमिकामा देखिँदैछन् यश नितेश तिवारीको रामायणको सेटबाट धेरै तस्बिर र भिडियोहरू सामाजिक सञ्जालमा भाइरल भएका छन् । तर निर्माताहरूले अहिलेसम्म कुनै आधिकारिक पोस्टर वा घोषणा भिडियो जारी गरेका छैनन् । यस फिल्मका बारे अहिलेसम्म आएको अपडेट अनुसार, केजीएफ सुपरस्टार यश पनि फिल्ममा छन् । उनले रावणको भूमिकामा निभाएको बताइएको छ ।
