वीरगन्ज | लालबाबु सिंह | वीरगन्ज सेवा समाजले नारायणी अस्पतालको प्राङ्गणमा सञ्चालन गर्दै आएको साप्ताहिक निशुल्क भोजन कार्यक्रममा माहेश्वरी समाज वीरगन्जले खाद्यान्न सहयोग गरेको छ।
शनिबार सम्पन्न ५६औं साप्ताहिक भोजन कार्यक्रममा माहेश्वरी समाज वीरगन्जले १० बोरा चामल र २ बोरा दाल हस्तान्तरण गर्दै सेवा समाजको प्रयासलाई समर्थन जनाएको हो।
नवनियुक्त अध्यक्ष प्रकाश बाहेतीको नेतृत्वमा पुगेको टोलीमा महासचिव रमेश साबु, कोषाध्यक्ष विकास करनानी, सदस्यहरू विनय कान्बरा, सुनिल लखोटिया, सन्दीप राठी, दिपक बाहेती, बिरेन्द्र मुन्द्रा, रामकोशोर लोहिया, शिव मोहता, संजय बाहेती लगायत सहभागी थिए।
उनीहरूले सेवा समाजका अध्यक्ष अशोक गुप्तालाई सहयोग हस्तान्तरण गरेसँगै भोजन वितरणमा पनि सक्रिय सहभागिता जनाएका थिए।
अध्यक्ष गुप्ताले सहयोगप्रति आभार प्रकट गर्दै बाहेतीलाई खादा ओढाएर सम्मान गरे।
नवनियुक्त अध्यक्ष बाहेतीले भने, “अध्यक्ष पदले थप जिम्मेवारी दिएको छ। यस्ता सेवा कार्यहरूमा माहेश्वरी समाजले निरन्तर साथ दिनेछ।”
कार्यक्रममा समाजका पदाधिकारी, स्वयंसेवक, सञ्चारकर्मी तथा स्थानीय व्यक्तिहरूको उपस्थिति रहेको थियो।
