वीरगञ्ज । नेकपा(माओवादी) केन्द्रका अध्यक्ष तथा पूर्व प्रधानमन्त्री पुष्पकमल दाहाल प्रचण्डले नयाँ वर्षपछि नयाँ सरकार बन्ने दाबी गरेका छन् ।

चितवनमा पत्रकारहरूसँग कुरा गर्दै प्रचण्डले नयाँ घटनाक्रमहरू विकसित भएकाले नयाँ वर्षपछि काँग्रेस नेतृत्वमा नयाँ सरकार बन्ने दाबी गरेका हुन् ।

उनले राजनीतिक घटनाक्रम र अनुभवका आधारमा आफूले नयाँ सरकार बन्ने सङ्केतहरू फेला पारेका बताएका हुन् ।

उनले मुलुकमा राजनीतिक अस्थिरताको बिउ रोप्न खोजिएकाले संसद्को ठूलो दलकै नेतृत्वमा सरकार बनाउनुपर्छ भनेर आफूले पहिल्यैदेखि भनिरहेको पनि बताए ।

अहिलेको गठबन्धन सरकार विरुद्ध जन आक्रोश व्यापक बढेकाले त्यसलाई रोक्न पनि ठूलो दलको नेतृत्वमा सम्भव भएसम्म गणतन्त्र पक्षधरहरूको साझा सरकार बनाउनुपर्नेमा पनि उनले जोड दिए ।