वीरगँज । वीरगञ्जको मुख्य सडक २५–२५ मिटर विस्तारको विरोधमा उत्रिएका घरधनी र व्यवसायीहरूले चरणबद्ध आन्दोलन गर्ने घोषणा गरेका छन्। उचित मुआब्जा पाउनुपर्ने मागसहित उनीहरूले आज बजार बन्द गरेका छन्।

सडक विस्तार रोक्नका लागि वीरगञ्ज युवा तथा व्यापारी सडक पीडित सङ्घर्ष समिति गठन गरिएको छ। समितिका संयोजक जवाहर प्रसाद गुप्ताका अनुसार आज बिहानदेखि दिउँसो १२ बजेसम्म वीरगञ्जको मुख्य बजार बन्द गरिएको छ।

वीरगञ्ज महानगरपालिका–९ का वडाध्यक्ष समेत रहेका गुप्ताले मुख्य सडक २५–२५ मिटर विस्तार गर्दा ऐतिहासिक सहरको अस्तित्व मेटिने खतरा रहेको बताए। “सहर नै तहसनहस हुने @@ छ, त्यसैले सडक विस्तार आवश्यक छैन,” उनले भने।

गुप्ताका अनुसार संघर्ष समितिले पहिलो चरणमा बजार बन्द गर्ने निर्णय गरेको छ भने आगामी दिनमा थप संघर्षका कार्यक्रमहरू घोषणा गरिने छन्।