वीरगंज | आज बिहान काठमाडौँको कमलपोखरीस्थित एक खाजा घरमा ग्यास सिलिन्डर विस्फोट भएको छ। विस्फोटको घटनामा १४ जना घाइते भएका छन्। यो दुर्घटना आज बिहान पौने ९ बजे भएको हो।

प्रहरीका अनुसार विस्फोट काठमाडौँ उपत्यका प्रहरी कार्यालयका प्रवक्ता, प्रहरी वरिष्ठ उपरीक्षक (एसएसपी) शेखर खनालको भनाइ अनुसार सानदार म:म: पसलमा भएको हो। उक्त पसलमा काम गर्दै आएका कर्मचारीहरु विस्फोटमा घाइते भएका हुन्।

घाइतेमध्ये ११ जनालाई अस्पतालमा पुर्याइएको छ भने तीन जनाको अवस्था सामान्य रहेको छ। गम्भीर घाइते हुने व्यक्तिको पहिचान उदयपुरका २४ वर्षीय संयोग मगरको रूपमा भएको छ। उनका शरीरका विभिन्न भागमा गम्भीर चोट लागेको छ।

सिलिन्डर विस्फोटपछि पसलको छतको सिलिङ पनि भत्किएको छ। घाइते व्यक्तिहरूलाई उपचारका लागि कीर्तिपुरको बर्न अस्पताल र अन्य अस्पतालहरूमा पठाइएको छ।