सर्लाही । पुर्व पश्चिम लोकमार्ग अन्तर्गत सर्लाहीको लालबन्दीमा भएको सवारी दुर्घटनामा १०  जना घाइते भएका छन् ।

आज(बिहिवार) बिहान करिब पौने ५ बजे पुर्वबाट पश्चिम तर्फ जाँदै गरेको BR 06 PD 5627 नम्बरको भारतीय स्कारपियो गाडी लालबन्दी वडा १ स्थित लच्कामा आफै अनियन्त्रित भएर सडकको बायाँ सइडको रुखमा ठोक्किएर दुर्घटना भएको हो । उक्त दुर्घटनामा स्कारपियोमा सवार १३ जना यात्रु मध्ये १० जना यात्रु  घाइते भएका छन् । घाइते सबैजनाको लालबन्दी स्थित मोडेल अस्पतालमा उपचार भइरहेको जिल्ला प्रहरी कार्यालय मलंगवाले जनाएको छ । घाइते मध्ये ८ जनाको अवस्था मध्यम र २ जनाको सामान्य रहेको प्रहरीले बताएको छ ।

दुर्घटनामा परी घाइते हुनेहरुमा भारतको जयनगर जिल्ला घर भइ हाल लालबन्दी नगरपालिका वडा २ बस्ने ५४ वर्षिय बिजय पासवान ,सोही ठाउँकी ३१ वर्षिया जमुना पासवान, १८ वर्षिय राहुल कुमार पासवान, १० वर्षिय राजुल पासवान, यसैगरि मलंगवा नगरपालिका वडा ७ का २२ वर्षिय विवेक कुमार यादव, सिरहा जिल्लाका ३९ वर्षिय प्रमोद पासवान, भारत मधुवनीका २४ वर्षिय रोशन पासवान, सोही ठाउँका ४२ वर्षिय रामसकल पासवान, धनुषा जिल्लाका १२ वर्षिय हरिदेव कुमार पासवान र १५ वर्षिय हरिओम कुमार पासवान रहेका छन् ।

दुर्घटनाग्रस्त स्कारपियो घटना स्थलमै रहेको छ । दुर्घटना भए लगत्तै  चालक फरार भएको र अहिले उनको  खोजीकार्य भइरहेको जिप्रका मलंगवाले जनाएको छ । mahottari post