बारा । बैश्य समुदायको पहिचान र सम्मानका लागि आयोजित राष्ट्रिय बैश्य महासंघ नेपालको पहिलो बारा जिल्ला स्तरीय अधिवेशन भव्य रूपमा सम्पन्न भएको छ।
यस कार्यक्रममार्फत श्री शिवकुमार सर्राफलाई सर्वसम्मतिबाट बारा जिल्ला अध्यक्षमा चयन गरिएको छ। साथै, सम्पूर्ण कार्यसमिति पनि सर्वसम्मत निर्णयबाट गठन गरिएको छ।
कार्यक्रम बारा बैश्य कल्याण समाजको आयोजनामा २०८१ पुष ६ गते शनिबारका दिन सम्पन्न भएको थियो। यस अवसरमा समुदायका अग्रजहरू, स्थानीय प्रतिनिधिहरू, र समाजका सदस्यहरूको उल्लेखनीय उपस्थिति थियो।
नवनिर्वाचित अध्यक्ष श्री सर्राफ र कार्यसमितिका सम्पूर्ण सदस्यहरूलाई सफल कार्यकालका लागि हार्दिक शुभकामना व्यक्त गरिएको छ। कार्यक्रममा समुदायको एकता र समृद्धिका लागि भावी योजनाबारे पनि चर्चा गरिएको थियो।
यस अधिवेशनले बैश्य समुदायलाई अझ सशक्त र संगठित बनाउने विश्वास व्यक्त गरिएको छ।
