वीरगञ्ज। वीरगञ्ज महानगरपालिका वडा नं १६ नगवा चौकदेखि रजतजयन्ती चौकसम्म वृक्षारोपण कार्यक्रम सम्पन्न भएको छ। यस कार्यक्रमको आयोजना ग्रिनसिटी सामुदायिक सेवा केन्द्र, ग्रिनसिटी सामुदायिक प्रहरी सेवा केन्द्र आदर्शनगर पर्सा, र भारतीय महावाणिज्य दूतावास वीरगञ्जको संयुक्त पहलमा गरिएको हो।
मंगलवार सम्पन्न वृक्षारोपण कार्यक्रममा प्रमुख अतिथिका रूपमा भारतीय महावाणिज्य दूतावास वीरगञ्ज पर्साका प्रमुख देवि सहाय मिना उपस्थित थिए। कार्यक्रमको अध्यक्षता ग्रिनसिटी सामुदायिक प्रहरी सेवा केन्द्र आदर्शनगरका अध्यक्ष जयप्रकाश खेतानले गरेका थिए। अध्यक्ष खेतानका अनुसार, विभिन्न जातजातिका ४० वटा बिरुवा बाटोको डिभाइजरमा रोपिएका थिए।
समुदाय–प्रहरी साझेदारी कार्यक्रमअन्तर्गत सम्पन्न यस वृक्षारोपण कार्यक्रममा वडा प्रहरी कार्यालय बिर्ताका प्रहरी निरीक्षक निरोज चौलागाई, ग्रिनसिटी सामुदायिक प्रहरी सेवा केन्द्रका उपाध्यक्ष सन्जय शर्मा, र सदस्यहरू रत्न टेमानी, सुशील कादामीया, चन्द्र अग्रवाल, त्रिलोक चन्द दारुका, राकेश अग्रवाल, कैलाश बजाज, लगायतका सहभागी थिए। सञ्चारकर्मी संतोषमान रन्जितकार र सुस्मिता यादवको पनि उपस्थिति रहेको थियो।
ग्रिनसिटी सामुदायिक प्रहरी सेवा केन्द्र आदर्शनगरका ईन्चार्ज प्रबह बिबेक राउत कुर्मी, प्रबह प्रेम राम, प्रज पुर्ण कुमारी श्रेष्ठ, र प्रज अम्मर सिंह साउद लगायतका सहभागीले पनि कार्यक्रममा सक्रिय भूमिका निर्वाह गरेका थिए।
आयोजकहरूले कार्यक्रमले समुदाय र प्रहरी बीचको सहकार्यलाई सुदृढ बनाउनका साथै वातावरण संरक्षणको महत्त्वलाई जोड दिएको बताए। वृक्षारोपण कार्यक्रमले वातावरणीय चेतना फैलाउन र हरित क्षेत्रलाई प्रोत्साहन गर्न महत्वपूर्ण योगदान पुर्याएको छ।
