वीरगंज | समस्यामा परेका पर्साका पत्रकारहरूलाई सहयोग पुर्याउन वीरगञ्जमा बुधबार पत्रकार कल्याण कोषको स्थापना गरिएको छ। पर्साका अग्रज पत्रकारहरूको भेलाले यो कोषको सुरुवात ५० जना पत्रकारहरूले मासिक १ हजार रुपैयाँ जम्मा गरेर गरेका हुन्।

यो कोषले पत्रकारहरूको आर्थिक, स्वास्थ्य, र अन्य आवश्यकताहरूमा सहयोग पुर्याउने उद्देश्य राखेको छ। नेपाल पत्रकार महासंघका मधेस प्रदेश महासचिव श्याम बन्जाराले यो कोषले समस्यामा परेका पत्रकारहरूलाई ठूलो राहत पुग्ने अपेक्षा व्यक्त गरेका छन्।

नवगठित कोषको अध्यक्ष निरञ्जन मिश्र रहेका छन् भने सदस्यहरूमा धनञ्जय मिश्र, मुस्कान श्रेष्ठ, राकेश साह, राजन रौनियार, एस.के. चौरसिया, र किरण सत्याल रहेका छन्।

नेपाल पत्रकार महासंघका केन्द्रीय सदस्य केसि लामिछानेले कोषको स्थापना र यसको संचालनमा महत्वपूर्ण भूमिका खेलेको जानकारी दिएका छन्। यो कोषले पर्साका पत्रकारहरूलाई विभिन्न संकटको समयमा सहयोग पुर्याउने विश्वास गरिएको छ।