बारा । बारा प्रहरीले नौ वर्ष कैद सजाय पाएका फरार प्रतिवादीलाई नियन्त्रणमा लिएको छ। प्रहरी कारवाहीको सिलसिलामा अस्थाई प्रहरी पोष्रुट बसपार्क कलैया, बाराबाट खटिएको प्रहरी टोलीले जबरजस्ती करणी मुद्दाका फरार प्रतिवादीलाई पक्राउ गरेको हो।

प्राप्त जानकारी अनुसार, जबरजस्ती करणी मुद्दामा जिल्ला अदालत बाराबाट नौ वर्ष, छ महिना, १५ दिन कैदको आदेश पश्चात फरार रहेका बारा जिल्ला कलैया उप-महानगरपालिका वडा नं.६ मदर्शाटोल बस्ने २७ वर्षीय ईम्तियाज अंसारीलाई शुक्रवार राती खोज तलास गरी पक्राउ गरिएको हो।

जिल्ला प्रहरी कार्याल्य बाराका प्रवक्ता प्रनाउ प्रकाश सापकोटाका अनुसार, अंसारीलाई पक्राउ गरी जिल्ला अदालत बारामा दाखिला गरिएको छ।

पक्राउ परेका अंसारीलाई आवश्यक कानूनी प्रक्रिया पूरा गरी थप अनुसन्धान गरिने बताइएको छ। यस पक्राउले बारा प्रहरीले कानूनी शासन कायम राख्न र अपराधीहरुलाई कानूनी दायरामा ल्याउन गरेको प्रयासलाई बल पुगेको छ।