बारा । उपेन्द्र साह । परवानीपुर गाउँपालिका वार्ड नम्बर ५ नौतन बहुअरिका स्वास्थ्य चौकी, धर्मशाला, आसमसानघाट लगायतका ठाउँमा बृक्षारोपण कार्यक्रम सम्पन्न भएको छ। कार्यक्रम गाउँपालिकाका उपाध्यक्ष सुगान्धी देवीको नेतृत्वमा आयोजना गरिएको थियो। यस अवसरमा स्थानीय बासिन्दाहरू र कर्मचारीहरूको पनि सक्रिय सहभागिता रहेको थियो।

बृक्षारोपण कार्यक्रमले वातावरण संरक्षणमा महत्वपूर्ण योगदान पुर्‍याउने अपेक्षा गरिएको छ। विभिन्न किसिमका बिरुवाहरू रोपेर स्वास्थ्य चौकी, धर्मशाला, र आसमसानघाट क्षेत्रलाई हरियाली बनाउने उद्देश्य राखिएको थियो। उपाध्यक्ष सुगान्धी देवीले वातावरण संरक्षणका लागि यस्ता कार्यक्रमहरूको आवश्यकता औंल्याउँदै आगामी दिनमा पनि यस्ता कार्यक्रमहरूलाई निरन्तरता दिने प्रतिवद्धता जनाउनुभयो।

सहभागीहरूले उत्साहका साथ बिरुवा रोपेर वातावरणीय सन्देश फैलाए। कार्यक्रमले वातावरणीय सन्तुलन कायम गर्न र हरियाली प्रवर्द्धन गर्न महत्वपूर्ण योगदान पुर्‍याउने विश्वास गरिएको छ।