वीरगंज । रौतहटमा एकै दिन ३ जना मृत अवस्थामा फेला गरेका छन् । रौतहटसहित सिन्धुली र मकवानपुरमा पनि शव फेला परेको प्रहरीले जानकारी दिएको हो

सिन्धुली, मरिण गाउँपालिका-२ कटन डाँडा बस्ने ५८ वर्षीय टेक बहादुर दंगाली सोही ठाउँस्थित मुङ्ग्रेशिर भिरको खोँचमा शनिबार मृत अवस्थामा फेला परेका छन् ।

मकवानपुर, मनहरी गाउँपालिका-३ डोढेस्थित सडकमा सोही ठाउँ बस्ने ५६ वर्षीय कर्ण बहादुर ब्लोन शनिबार मृत अवस्थामा फेला परेका छन् ।
रौतहट, गौर नगरपालिका-४ टिकुलिया बकैयाखोलाको बाँध नजिकै केराबारीमा सोही ठाउँ घर भएका १९ वर्षीय रोहित सहनी शनिबार मृत अवस्थामा फेला परेका छन् ।

रौतहट, चन्द्रपुर नगरपालिका-५ चिडियादहस्थित जंगलमा हाल नाम, थर, वतन नखुलेका अन्दाजी ४५ वर्षीय पुरुष शनिबार मृत अवस्थामा फेला परेका छन् ।

रौतहट राजदेवी नगरपालिका-५ पटाही टोलस्थित गढैया बाग्मती नदीको किनारमा हाल नाम, थर, वतन नखुलेका अन्दाजी २५ वर्षीय पुरुष शनिबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।