वीरगन्ज । हिन्दु स्वयंसेवक संघ नेपालले आज बिहान बीरगञ्जको रानीघाट रामजानकी मठिया क्षेत्रमा सरसफाई कार्य सम्पन्न गरेको छ। यस कार्यक्रममा हिन्दु स्वयंसेवक संघ नेपालका विभिन्न सदस्यहरूको सक्रिय सहभागिता रहेको थियो।

उक्त सरसफाई कार्यमा सागर सराफ , राजा गुप्ता , चन्दन कुमार , प्रवीण मालि , बिशाल कुमार ,कृष्ण चौरसिया , बिशाल साह कलवार , सरोज साह र ओमप्रकाश गुप्ताको उपस्थिति रहेको थियो। उनीहरूले एकसाथ मिलेर क्षेत्रको सफाई गरी वातावरणलाई सफा र स्वच्छ बनाउन योगदान पुर्याए।

यस प्रकारका सामुदायिक सेवाले समाजमा स्वच्छता र स्वास्थ्यको महत्वप्रति जनचेतना फैलाउने उद्देश्य राखेको छ। हिन्दु स्वयंसेवक संघ नेपालले आगामी दिनहरूमा पनि यस्ता सेवामूलक कार्यहरूलाई निरन्तरता दिने जनाएको छ।