रफाह । दक्षिण गाजाको सहर रफाहमा खानेकुरा वितरण कार्य रोकिएको छ । आपूर्तिको अभाव र असुरक्षाका कारण खाद्यान्न वितरण रोकिएको संयुक्त राष्ट्र संघ (यूएन)ले जनाएको छ ।

प्यालेष्टाइनी शरणार्थीका लागि यूएनको एजेन्सी यूएनरवाले हमासविरुद्ध इजरायली सैन्य कारबाहीका कारण आफ्नो वितरण केन्द्र र विश्व खाद्य कार्यक्रमको गोदामहरुले अब खाद्यान्न वितरण गर्न नसक्ने चेतावनी दिएको थियो ।

मे ६ मा इजरायलले कारबाही शुरुगरेयता रफाहका १० लाखभन्दा धेरै मानिसमध्ये ८ लाख १० हजारले ठाउँ छाडेर भागिसकेको अनुमान गरिएको छ । आफ्नो स्वास्थ्य केन्द्रहरूले विगत १० दिनमा कुनै पनि मेडिकल सामानको आपूर्ति नपाएको यूएनरवाले भनेको छ ।

आफूले पठाएको ५९६ टन खानेकुरा र अन्य सहायता सामाग्री गाजा छिरेको नहुन सक्ने आशंका गरिएको अमेरिकाले बताएकै समयमा यो खबर आएको हो ।