वीरगन्ज । जिल्ला प्रहरी कार्यालय पर्साले लागु औषध सहित दुईजनालाई पक्राउ गरेको छ ।पक्राउ पर्नेमा हेटौडा उपमहानगरपालिका वडा नम्बर ३ का २९ वर्षिय समुन्द्र साह र २४ वर्षिय अमिर वानिया रहेका छन् ।
सूचनाको अधारमा वीरगञ्ज महानगरपालिका वडा नं.१६ शंकराचार्य गेट स्थित सडकखण्डमा चेकजाँच गर्ने क्रममा उनिहरु चढेको बा.प्र.०३-०२-प ९४५० नम्बरको स्कुटीको सिटमुनी लुकाइ छिपाई प्लाष्टिकको झोलाभित्र लागुऔषध खैरो हिरोइन जस्तो देखिने पदार्थ १५१ ग्राम र अफिम जस्तो देखिने पदार्थ १५४ ग्राम बरामद गरेको पर्साका प्रहरी नायब उपरीक्षक कुमार विक्रम थापाले जानकारी दिए ।
पक्राउ गरेका दुबैलाई लागु औषध लागु औषध सम्बन्धी कसूरमा जिल्ला अदालतबाट पांच दिन म्याद गरी अनुसन्धान कार्य भैरहेको उनले बताए ।
