वीरगंज | प्रहरीले बाराबाट फरार प्रतिवादीलाई पक्राउ गरेको छ। विभिन्न मुद्दामा सजाय पाएका दुई फरार प्रतिवादीलाई प्रहरीले पक्राउ गरेको हो। बारा जिल्ला अदालतको कलैयाबाट कैद र जरिवाना सजाय पाएको अवस्थामा उनीहरूलाई पक्राउ गरेको प्रहरी नायब उपरिक्षक प्रवक्ता दधिराम न्यौपानेले जनाए।

प्रहरीले परवानीपुर गाउँपालिका–५ बहुअरीमा बस्ने ४० रामएकवाल साह र सिम्रौनगढ नगरपालिका वडा नम्बर–९ बस्ने ६० असर्फी महतोलाई पक्राउ गरेको उनले बताए। पक्राउ परेकाहरूलाई आवश्यक अनुसन्धानका लागि बारा जिल्ला अदालतमा उपस्थित गराइएको प्रहरीले जनाए।”