वीरगंज | बर्दिवास नगरपालिकाको कार्यालय आफ्नै नवनिर्मित प्रशासनिक भवनमा स्थानान्तर हुँने भएको छ । बर्दिवास नगरपालिका प्रमुख प्रह्लाद कुमार क्षेत्री र उपप्रमुख तारादेबी महतोले बुधवार बिधिबत रुपमा पुजा तथा शुभ साईत गरी प्रशासनिक भवनको कार्यालय प्रबेश गरेपछी भबन सञ्चालनमा आउँने भएको हो ।

आर्थिक बर्ष २०७८÷७९ मा एम पियुस र ओमनिल कन्डजेभि फईनन्स तिनकुने काठमांडौसंग सम्झौताभई बर्दिवास नगरपालिकाको वड नम्बर १४ स्थित २४ कठ्ठा क्षेत्रफल रहेको नगरपालिकाको आफ्नै स्वामित्वको जग्गामा ९ करोड ९७ लाख २४ हजार १ सय ८७ रुपियाँ लागतमा सम्पन्न हुन लागेको बहुबर्षे आयोजना अन्तरगत तिन बर्षभित्र सम्पन्न हुने

भनिएको नबनिर्मित दुई तल्ले पक्कि भबनबाट २०८१ साल बैशाख महिनादेखी नगरपालिकाको प्रमुख,उपप्रमुख, प्रमुख प्रशासकीय अधिकृतको कार्यकक्ष, प्रशासन, योजना, प्राविधिक स्वास्थ्य लगायत सम्पुर्ण शाखाहरूले सेवा प्रवाह गर्ने नगरपालिकाका शाखा अधिकृत मुरारी प्रसाद तिमल्सिनाले जानकारी दिए ।