वीरगञ्ज । वीरगञ्ज महानगरपालिका वडा नम्बर १५ मा रहेकोे होटल भिस्वामा सञ्चालित सिमजी क्लब क्यासिनोबाट ४ जना नेपाली पक्राउ परेका छन् ।
जिल्ला प्रहरी कार्यालय पर्साको क्राइम शाखाको टोलीले मंगलबार साँझ चेकजाँच गर्दा उनीहरूलाई पक्राउ गरेको हो ।

पक्राउ पर्नेमा दुई जना नेपाली नागरिक सहित क्यासिनोको फ्लोर म्यानेजर र सुरक्षा इन्चार्ज समेत रहेको प्रहरी स्रोतले जनाएको छ । मंगलबार साँझ क्यासिनोबाट प्रहरीले छापा मारेर चार जनालाई पक्राउ गरेको पर्साका प्रबक्ता प्रहरी नायब उपरीक्षक कुमार बिक्रम थापाले बताए ।

क्यासिनोबाट पक्राउ परेका ४ जनै नेपाली नागरिक रहेको केहिबेरमा नाम सार्वजनिक गर्ने पर्साका प्रबक्ता प्रहरी नायब उपरीक्षक थापाले बताए ।