बारा । बाघको आक्रमणबाट २ जना व्यक्ति घाईते भएका छन् । आज बुधवार फागुन ०९ गते करिब ५ बजेको समयम बारा जिल्लाको जीतपुर सिमरा उप-महानगरपालिका वडा नं. १६ भद्रकाली स्थित पुर्व पश्चिम लोकमार्ग-जंगलमा पथलैया बाट रौटहत तर्फ जादै गरेको ना.३६प ५०११ नं.को मोटरसाइकल लाईबाघले आक्रमण गर्दा २ जना व्यक्ति घाईते भएका छन्।

बाघको आक्रमणले घाईते भएका मोटरसाइकल चालक कृष्ण साह र सोहि मोटरसाइकलमा सवार राजु साह रहेका जिल्ला प्रहरी कार्यालय, बाराका प्रवक्ता तथा सूचना अधिकारी प्र.ना.उ.दधिराम न्यौपानेले जनाएका छन्। बाघको आक्रमणले घाईते भएका दुवै जना व्यक्ति रौतहट जिल्लाको बौधिमाई नगरपालिका वडा नं.०३ का रहेका छन्।

बाघको आक्रमण गर्दा मोटरसाइकल चालक कृष्ण साहको खुट्टामा चोट लागेको छ भने सोहि मोटरसाइकलमा सवार राजु साह को टाउँको र बाँया हातमा चोट लागेको र दाया हातमा बाघले लछारेको घाउ लागेको छ।

बाघको आक्रमणले घाईते भएका दुवै जना व्यक्तिहरू लाइ सामुदायिक अस्पताल निजगढ, बारामा उपचार भई रहेको जिल्ला प्रहरी कार्यालय, बाराले जनाएको छ। साथै उक्त एरियामा सुरक्षा सतर्कताअपनाई आवत जावत गर्न हुन सर्वसधारणहरूमा जिल्ला प्रहरी कार्यालय, बाराका प्रवक्ता तथा सूचना अधिकारी प्र.ना.उ.दधिराम न्यौपानेले अनुरोध गरेका छन् ।