वीरगंज । हमासले बन्धक बनाएका दुई इजरेली पुरुषलाई गाजाको रफाह शहरबाट मुक्त गरिएको इजरेलले जनाएको छ। इजरेलले गाजाको दक्षिणमा अवस्थित उक्त सहरमा सघन हवाई आक्रमण गरेको बी बीसीले जनाएको छ ।

दक्षिणी सहर रफाह र गाजापट्टीको वरपरका क्षेत्रमा इजरायली सेनाले गरेको भारी आक्रमणमा सोमबार एक सयभन्दा बढीको मृत्यु भएको छ । आक्रमणमा महिला तथा बालबालिकासहित सयौँ घाइते भएको आधिकारिक प्यालेस्टिनी समाचार संस्था वाफाले जनाएको छ ।

आज बिहान रफाह क्षेत्रमा इजरायली सेनाले करिब ४० वटा हवाई आक्रमणसहित जमिनमा गोलाबारी गरेको बताइएको छ । इजरायली सेनाले दक्षिणी गाजामा हमासले श्रृङ्खलाबद्ध आक्रमण गरेकोे बताएको छ । आक्रमणबाट भएको क्षतिको विवरण भने दिएको छैन ।