अलास्का । सन् २०१५ मा अलस्कामा नयाँ भाइरस भेटियो । यो भाइरस फेयरबक्स नर्थ स्टार बोरो पर्माफ्रष्ट पग्लिएर निस्किएको थियो । सन् २०२४ को फेब्रुअरीसम्ममा यो भाइरसबाट ७ जना सङ्क्रमित भए । तर यसको सङ्क्रमणमा परेर पहिलो पटक मान्छेको मृत्यु भएको छ । ६ जना सङ्क्रमित फेयरबक्स नर्थ स्टार बोरोमा भेटिएका हुन् । सातौँ व्यक्ति केनाई प्रायद्वीप बोरोमा भेटिएका थिए ।
मृतक वृद्ध भएको बताइएको छ । मृतकमा सङ्क्रमणको पुष्टि जनवरीको अन्त्यमा भएको थियो । मृत्युको बेलामा अस्पतालमा उनको उपचार भइरहेको थियो । भाइरस डबल स्ट्रेन्डेड डीएनए भाइरस भएको बताइएको छ । थियो । यो भाइरस स्मलपक्स, मंकीपक्स र काउ पक्स जस्तै भएकोले यसलाई अलस्कापक्स नामकरण गरिएको छ ।
यो भाइरसको सङ्क्रमण साना स्तनधारी जीवनमा पनि पाइएको छ । यो भाइरसको सङ्क्रमणपछि छालामा रातो धब्बा देखिन्छ । बिबिरा आउँछ । सही समयमा उपचार गरिएन भने बिबिराले घाउको रूप लिन्छ । पिप निस्किन थाल्छ । जोर्नी, मांसपेशीमा पीडा हुन थाल्छ । लिम्फ नोड सुन्निन थाल्छ । सही समयमा उपचार मिल्यो भने पनि निको हुन ६ महिना जति लाग्छ ।
मान्छेमा यो भाइरस कसरी सर्यो भन्ने पक्का प्रमाण भेटिएको छैन । अलस्कापक्सबाट मृत्यु भएको व्यक्ति जङ्गलमा एक्लै बस्थे । उनी बाहिर पनि घुम्न गएका थिएनन् । उनले पालेको बिरालोबाट भाइरस सरेको आशङ्का गरिएको छ । उनको बिरालोले जंगलमा साना स्तनधारी जीवको शिकार गर्थ्यो । बिरालोमा भाइरसको सङ्क्रमण थिए । खुट्टाबाट फैलिएको हुन सक्ने बताइएको छ ।
मृतकमा सेप्टेम्बरतिर पहिलो पटक दायाँ हातमा रातो धब्बा देखियो । एन्टीबायोटिक्सको सेवन गरेको भए पनि ६ हप्तापछि लक्षण फेरि बढ्न थाल्यो । जनवरीसम्म कयौँ पटक जाँच पछि अलस्कापक्स भाइरसको सङ्क्रमण पुष्टि भयो । वृद्धको मृत्यु मिर्गौला र फोक्सो फेल भएर भएको थियो ।
तिब्बतको हिमनदीमा पनि भेटिएको थियो डरलाग्दो भाइरस
तिब्बतमा पग्लिँदै गइरहेको हिमनदीमा १५ हजार वर्ष पुरानो भाइरस भेटिएको छ । यो भाइरस नेपाल, भारत, चीन र म्यानमार जस्ता देशका लागि खतरा हुन सक्ने विश्लेषण गरिएको छ । यो प्राचीन भाइरसको सङ्क्रमणको कुनै उपचार छैन । भाइरस समुद्री सतहबाट २२ हजार फिटको उचाइमा भेटिएको हो । वैज्ञानिकहरूले ३३ ओटा भाइरस खोजेका थिए । यसमध्ये २८ भाइरसबारे संसारलाई केही थाहा नभएको बताइएको छ ।
यी भाइरसलाई यस अघि कहिले पनि देखिएको थिएन । यसको सङ्क्रमणको कुनै उपचार नहुन पनि सक्छ । यी भाइरसहरू चरम स्थितिमा समेत बाचेकोले जस्तो सुकै तापमान र मौसमलाई झेल्न सक्ने ओहायो स्टेट युनिभर्सिटीका एक वैज्ञानिकले बताएका छन् । यो भाइरस फैलिन कुनै समस्या नरहेको अनि उपचार पनि नभएको उनी बताउँछन् । विश्वव्यापी तापमान वृद्धिका संसारभर नै पर्माफ्रष्ट पग्लिरहेको छ ।
