बारा । बारा प्रहरीले कलैया बाट बिरगन्ज जादै गरेको प्याज लोड रहेको पिकअप नियन्त्रणमा लिएको छ । ईलाका प्रहरी कार्यालय प्रसौनी बाट खटिएको प्रहरी टोलिले परवानीपुर गाँउपालिका वडा नम्बर ५ गण्डक चोक स्थित म.प्र. ०३-००१ च ७०९८ नं. को पिकअप नियन्त्रणमा लिएको हो । सवारी चालकले बिल बिजक भन्दा बढी श्रोत खुलाउन नसकेको १ लाख ५० हजार मुल्यको प्याज प्रहरीले नियन्त्रणमा लिएको हो ।

त्यस्तै प्रहरी चौकी पथलैयाबाट खटिएको प्रहरी टोलिले जितपुरसिमरा उपमहानगरपालिका वडा नम्बर १ पथलैया चोक स्थित जनकपुर बाट काठमाडौ तर्फ जादै गरेको प्र.०३-००१ ख २९६१ नं. को यात्रुबाहाक बस चेक जाँच गर्दा बिल भर्पाई नभएको भन्सार छलीका दुई सय किलो प्याज र १२० पिल टावेल नियन्त्रणमा लिएको छ ।

बरामद भएका समानहरू सहित पिकअप नियन्त्रणमा लिई आवश्यक कानूनी प्रकृया अगाडि बढाईएको जिल्ला प्रहरी कार्यालय बाराका प्रब्क्ता प्रहरी नायब उपरीक्षक दधिराम न्यौपानेले बताए ।