रौतहटबाट | रौतहटबाट प्रहरीले २ सय ८० जना फरार अभियुक्तलाई पक्राउ गरेको छ ।

लामो समय देखि फरारको सूचीमा रहेका २८० जना अभियुक्तलाई प्रहरीले पक्राउ गरेको हो । विभिन्न अपराधमा संलग्न रही अदालतबाट दोषी ठहर भइसकेर पनि फरारको सूचीका उनीहरूलाई पक्राउ गरिएको रौतहटका एसपी महेन्द्रकुमार श्रेष्ठले जानकारी दिनुभयो ।

उनीहरुलाई चालू आर्थिक वर्षको साउनदेखि पुस मसान्तसम्म पक्राऊ गरिएको एसपी श्रेष्ठले बताउनुभयो ।कर्तव्य ज्यान, डाँका, चोरी, सवारी ज्यान, जबरजस्ती करणी, ठगी लगायत विभिन्न मुद्दामा संलग्न रहेका ती अभियुक्तहरूलाई अदालतको आदेश अनुसार कैद भुक्तानीको लागि जिल्ला कारागार लगायतको निकायमा पठाइएको प्रहरीले जनाएको छ ।