समुदायको सुख-दुःखमा साथ दिने धनुषा प्रहरीको प्रतिबद्धता
वीरगंज संजाल
१० पुष २०७६, बिहीबार १६:१३
४११३
धनुषा । दलित समुदायका जेष्ठ नागरिक, एकल महिला, गर्भवती महिला, सुत्केरी महिला, अशक्त र विपन्न परिवारहरुलाई धनुषा प्रहरीले कम्बल वितरण गरेको छ ।प्रहरी उपरीक्षक रमेश कुमार बश्नेतले भन्नुभयो, ‘यस्तो चिसोको बेलामा समुदायको सुख–दुःखमा हामी पनि साथमा छौं ।’
जनकपुरको वडा नम्बर १ स्थित रेल्वे चौकी प्रहरी प्राङ्गणमा स्थानीय प्रभु जालान, मोहम्मद सतार राइन, धीरेंद्र कुमार शिवहरे, मनिष ठाकुर, नरेश ठाकुरलगाएतका सहयोगमा कम्बल वितरण गरिएको हो ।
स्थानीय धनुषा प्रहरीको आग्रह र समन्वयमा कम्बल वितरण गरिएको धनुषा प्रहरी प्रवक्ता रामेश्वर कार्कीले न्यूज २४ लाई जानकारी दिनुभयो । धनुषा प्रहरीले यतिबेला जनकपुरका विभिन्न चोकमा कम्बलसँगै दाउरा पनि वितरण गरेको छ । News 24