वीरगंज | शिक्षा तथा खेलकुद मन्त्री सस्मित पोखरेलले मधेश प्रदेशमा कृषि र इन्जिनियरिङ क्यामपस सञ्चालनमा ल्याउन मन्त्रालयले अध्ययन गरिरहेको बताउनु भएको छ । हिजो बेलुका सिरहाको लहान आइपुग्नु भएको मन्त्री पोखरेलले आज विहान लहान स्थित जेएस मुरारका बहुमुखी क्याम्पस लहानको अनुगमन निरिक्षण गर्दै यस्तो बताउनु भएको हो ।

मधेश प्रदेशमा कृषि र इन्जिनियरिङको क्यामपस सञ्चालन गर्न सिरहाको लहान क्याम्पसमा प्रयाप्त भौतिक पुर्वाधार रहेकोले यस क्यापसमा पनि कुषि र इन्जिनियरिङ संकाय थप्न सकिने उहाँले बताउनुभयो ।

राजर्षि जनक विश्वविद्यालयबाट सम्बन्धन लिएर कृषि र इन्जिनियरिङ संकाय सञ्चालन गर्नको लागि आजैबाट आफूले पहल गरिने मन्त्री पोखरेलले बताउनुभयो । “ मधेश प्रदेशको शिक्षाको अवस्था कमजोर छ । “यहि अध्ययनको क्रममा आफू मधेश प्रदेशको अध्ययन भ्रमणमा आएको छु,” उहाँले भन्नुभयो, अहिले शिक्षक अभिभावक र विधार्थीसाँग अन्तरसम्वाद गरेर समस्या समाधान गर्न शिक्षा ऐन ल्याउन लागेका छौ ।

लहान नगरपालिका वडा नम्वर १४ स्थित श्री बस्तीपुर माध्यमिक विद्यालय बस्तीपुरको भ्रमण गर्दै २००४ सालमा स्थापित यस विद्यालयको पुरानो साँख फिर्ता गराउन परिवर्तित समयानुकूल विज्ञान र प्रविधियुक्त सुविधा सम्पन्न बनाउन सिरहा १ को प्रतिनिधिसभा सदस्य बब्लु गुप्ताको पहलमा यस क्षेत्रमा अर्को पुरानो विद्यालय हनुमान शारदा माध्यमिक विद्यालयलाई स्तरीय बनाउने मन्त्री पोखरेलले बताउनुभयो ।

सिरहा १ का सांसद बब्लु गुप्ताले यस क्षेत्रको दक्षिणी भेगमा  बगवानपुर गाउँपालिकामा हनुमान शारदा मावि इनर्वा र लहान (१४ स्थित श्री बस्तीपुर माध्यमिक विद्यालय बस्तीपुर र भगवानपुर गाउँपालिकामा रहेको २०३७ सालमा स्थापित यी दुबै पुरानो विद्यालयलाई स्तरीयकरण गर्ने चुनावी वाचा पुरा गराउन आफू लागेको बताउनुभयो । उहाँले भन्नुभयो, “यी दुई विद्यालय मात्रै होइन पछि सखुवानन्कारकटि र लक्मीपुर पतारीमा शैक्षिक सुधार कार्यक्रम योजनामा छ ।”