वीरगंज। महोत्तरीमा कथित बोक्सी आरोपमा घाइते सुरेन्द्र रामले अस्पतालको बेडबाट भने–आमालाई कुटिरहेको सुनेपछि दौडिँदै जाँदा मेरो टाउकोमा पनि चिर्पटले हाने म घरभित्र कोठामा थिएँ । बाहिर आमालाई कुटिरहेको र आमा कराएको सुनेपछि हतार–हतार निस्किएँ । आमा भएतिर जाँदै गर्दा मेरो टाउकोमा चिर्पटले हाने । आमा, बुबा, श्रीमती, भाइ र बुहारीले कुटाइ खाइरहँदा पनि जोगाउन सकिनँ । मेरो परिवारमाथि बोक्सी भनेर आरोप लगाउने र कुटपिट गर्नेलाई कारबाही होस् । महोत्तरीमा कथित बोक्सी आरोपमा फेरि दलित महिलासहित उनका परिवारका सदस्यमाथि नै कुटपिट भएको छ । गौशाला नगरपालिका– ११, लक्ष्मीनियाका चन्द्रशेखर यादव, सन्तोष यादव, विनोद पासमान र राम केवल भनिने केवल महतो नुनियाले मंगलबार स्थानीय ६६ वर्षीया इतरियादेवी रामसहित परिवारका ६ सदस्यहरूमाथि आक्रमण गरेका हुन् ।

कुटपिटबाट इतरियादेवी, श्रीमान् रामचन्द्र राम, छोराहरू देवेन्द्र राम र सुरेन्द्र राम तथा बुहारीहरू सम्तोलियादेवी र सुन्दरदेवी घाइते भएको जिल्ला प्रहरी कार्यालय महोत्तरीका प्रवक्ता डिएसपी दिलीपकुमार गिरीले जानकारी दिए । उनका अनुसार कुटाइबाट इतरियादेवीको बायाँ हात भाँचिनुका साथै शरीरभर चोट लागेको छ, सुरेन्द्रको टाउको फुटेर ६ टाँका लगाउनुपरेको छ, सम्तोलियादेवीको कम्मरमा गम्भीर चोट लागेको छ भने देवेन्द्रको पनि शरीरभर चोट छ । इतरिया र सम्तोलियाको जनकपुरस्थित सहयोगी अस्पतालमा उपचार भइरहेको छ । देवेन्द्र र सुरेन्द्रको गौशालास्थित प्राथमिक स्वास्थ्य केन्द्रमा उपचार भइरहेको छ । त्यस्तै, कुटपिटबाट चोट लागेका रामचन्द्र र सुन्दरदेवी प्राथमिक स्वास्थ्य केन्द्रमा उपचारपछि हाल डिस्चार्ज भइसकेका छन् ।

घटनाबारे घाइते सुरेन्द्रले भने, ‘म घरभित्र कोठामा थिएँ । बाहिर आमालाई कुटिरहेको र आमा कराएको सुनेपछि हतार–हतार निस्किएँ । आमा भएतिर जाँदै गर्दा मेरो टाउकोमा चिर्पटले हाने । आमा, बुबा, श्रीमती, भाइ र बुहारीले कुटाइ खाइरहँदा पनि जोगाउन सकिनँ ।’ उनले आमालगायत आफूहरूमाथि कुटपिट गर्नेलाई कारबाहीको माग गरेका छन् । मलमूत्र खुवाउने धम्कीसमेत दिएको प्रारम्भिक जानकारी पाएका छौँ : डिएसपी दिलीपकुमार गिरी प्रवक्ता, जिल्ला प्रहरी कार्यालय, महोत्तरी बोक्सी भनेर कुटपिट गरेको र मलमूत्र खुवाउने धम्कीसमेत दिएको प्रारम्भिक जानकारी पाएका छौँ । घटनाबारे सत्यतथ्य पत्ता लगाउँदै छौँ । दोषीमाथि कारबाही हुन्छ ।

प्रहरीले आक्रमणकारीमध्ये सन्तोष यादव र विनोद पासमानलाई बुधबार पक्राउ गरेको छ । पीडित पक्षको जाहेरीलगत्तै उनीहरूलाई पक्राउ गरेको हो । उनीहरूविरुद्ध बोक्सी आरोपमा गरेको कुटपिट कसुरमा मुद्दा दर्ता भई अदालतबाट समेत म्याद लिएर अनुसन्धान भइरहेको प्रवक्ता गिरीले बताए । ‘बोक्सी भनेर कुटपिट गरेको र मलमूत्र खुवाउने धम्कीसमेत दिएको प्रारम्भिक जानकारी पाएका छौँ,’ उनले भने, ‘दुईजना पक्राउ परिसकेका छन्, घटनाको सत्यतथ्य पत्ता लगाएर दोषीमाथि कारबाही हुन्छ ।’ प्रहरीले पहिलो घटनालगत्तै दोषीलाई कारबाही प्रक्रियामा नल्याउँदा दोस्रोपटक गम्भीर आक्रमण गम्भीर चोटपटक लाग्ने गरी पछिल्लो आक्रमण मंगलबार (१४ कात्तिक)को हो । त्यसअघि २७ असोज (घटस्थापनाको अघिल्लो दिन)मा उनीहरूमाथि पहिलो आक्रमण भएको थियो । स्थानीयहरूका अनुसार २६ कात्तिकमा स्थानीय राम केवल महतो नुनियाले सोही ठाउँका ‘धामी’ विनोद पासमानलाई बोलाएर बैठका (धामी खेलाउन स्थान) राखेका थिए । सोही बैठकामा राम केवलकी अन्दाजी १७ वर्षीया छोरी लीलावती कुमारी शरीरमा देवी चढेको भन्दै बर्बराएकी थिइन् । इतरियादेवीले मरिसकेको सासूको आत्मालाई कब्जामा राखेर बोक्सीको काम गर्ने गरेको र छरछिमेकका बालबालिका बिरामी पार्ने गरेको आरोप लगाउँदै बैठकाबाट विनोद पासमान र राम केवल महतोको परिवार उनको घरमा छिरेर कुटपिट गरेका थिए ।

घटनाको भोलिपल्टै इतरियाका श्रीमान् राजेन्द्रले इलाका प्रहरी कार्यालय गौशालामा निवेदन दिएका थिए । प्रहरीले निवेदन अस्पष्ट भएको भन्दै झन्डै २० दिनको म्याद राखेर १७ कात्तिकका लागि (शुक्रबार) छलफलमा बोलाएको थियो । प्रहरीले पहिलो घटनालगत्तै दोषीलाई कारबाही प्रक्रियामा नल्याउँदा पीडित परिवारमाथि दोस्रोपटक गम्भीर आक्रमण भयो । मंगलबार उनीहरूले पीडित परिवारका सदस्यहरू गम्भीर घाइते हुने गरी आक्रमण गरे । आक्रमणकारीबाट पीडित परिवारलाई जोगाउने क्रममा केही स्थानीयसमेत घाइते भएका छन् । दोस्रो घटनापछि मात्रै प्रहरीले दुई आरोपीलाई पक्राउ गरेको छ । किटानी जाहेरी परेका सन्तोष यादव र विनोद पासमान पक्राउ परे पनि चन्द्रशेखर यादव र केवल महतो अझै पक्राउ परेका छैनन् ।