वीरगञ्ज । प्रथम वीरगञ्ज गाेल्डकप फुटबल प्रतियोगितामा आयाेजक भेट्रान सिटी क्लबले विजयी सुरुवात गरेकाे छ।

शनिबारदेखि आदर्शनगर खेल मैदानमा सुरु प्रतियोगिताकाे उद्घाटन खेलमा भारत दिल्लीको गढ्वाल डायमण्ड एफसीलाई टाइबेकरमा ३-१ ले पराजित गर्दै आयाेजक भेट्रान सिटी क्लबले विजयी सुरुवात गरेकाे हाे । जितसँगै भेट्रान सिटी क्लब सेमिफाइनलमापनि प्रवेश गरेकाे छ। निर्धारित ९० मिनेटको खेलमा दुवै टिमबाट गाेलरहित बराबरी भएपछि खेलकाे अन्तिम निर्णय टाइबेकरबाट गरिएको थियाे ।

टाइबेकरमा दिल्लीका गाेलरक्षक हर्षित बिष्टले भेट्रान सिटीको तर्फबाट पहिलाे प्रहार गरेका कप्तान कृष्ण शाक्यकाे प्रहारलाई राेक्दै गाेल हुनबाट बचाएपनि त्यसपछिका भेट्रानका जनक कार्की, सुसन थापा र नवीन लामाकाे प्रहार भने सहजै गाेलमा परिणत भएकाे थियाे । उता दिल्लीका लागि अजय बिष्ट मात्र गाेल गर्न सफल भए । सुमित कदयानकाे प्रहार गाेल पाेष्ट बाहिर गयाे भने संकल्प सिंह र अन्जुल परासरकाे प्रहार भेट्रानका गाेलरक्षक राजु नगरकाेटीले विफल पारिदिएका थिए । उद्घाटन खेलकाे प्लेयर अफ दी म्याच भेट्रान सिटी क्लबका गाेलरक्षक राजु नगरकाेटी घाेषित भए । उनले नगद १० हजार रुपैयाँ प्राप्त गरे ।

प्रतियोगितामा आइतबारकाे खेल संकटा क्लब काठमाडौँ र चर्च ब्वाइज युनाइटेड नवलपरासीबिच हुने आयाेजक भेट्रान सिटी क्लब वीरगञ्जका महासचिव पंकज श्रेष्ठले जानकारी दिए ।
यसअघि प्रतियोगिताको समुद्घाटन गर्दै वीरगञ्ज महानगरपालिकाका राजेशमान सिंहले कुनै समय फुटबलको लागि उर्बर भूमी रहेकाे वीरगन्जमा केहिवर्ष यता उदासीनता आएकाे बताए । उनले याे प्रतियोगिताले भने फेरि वीरगञ्जमा फुटबल खेलप्रति उत्साह फर्काउने विश्वास आँफुले लिएको बताए । मधेस प्रदेशकै सबैभन्दा उच्च धनराशीकाे याे प्रतियोगिता कार्तिक २५ गते सम्म चल्ने छ। प्रतियोगतामा त्रिुभवन आर्मी क्लब काठमाडौं , नेपाल पुलिस क्लब काठमाडौं , संकटा क्लब काठमाडौं ,चर्च ब्वाइज युनाइटेड नवलपरासी, झापा एफ. सी. झापा, आयोजक वीरगन्ज भेट्रान सिटी क्लब तथा भारत कोलकत्ताको क्लाईभ हाउस डमडम र दिल्लीको गढवाल डायमण्ड क्लब एफ.सी. गरि आठ टिम सहभागी छन्।

वीरगञ्ज महानगरपालिकाकाे मुख्य प्रायाेजनमा आयाेजित प्रतियोगिताको उपाधि उपविजेता टिमले नगद ११ लाख ११ हजार १ सय ११ रुपैयाँ र उपविजेता टिमले नगद ५ लाख ५५ हजाार ५ सय ५५ रुपैयाँ पुरस्कार पाउनेछन् । यस्तै हरेक खेलकाे म्यान अफ दी म्याच घाेषित हुने खेलाडीलाई नगद १० हजार, विधागत तर्फ उत्कृष्ट हुने खेलाडी जनही २० हजार र प्रतियाेगिताकै सर्वाेत्कृट हुने खेलाडीलाई नगद ५० हजार रुपैयाँ पुरस्कार प्रदान गरिने उनले बताए ।