वीरगंज । धनुषामा प्रहरी जवानले बालिकामाथि यौन दुव्र्यवहार गरेको आरोप लागेको छ । लालगढ प्रहरी चौकीका जवान रुपेश चौधरीले मंगलबार राति करिब १० बजेतीर स्थानीय १४ वर्षीया बालिकालाई यौन दुव्र्यवहार गरेको भन्दै स्थानीय आन्दोलित भएका छन् । लालगढ चौकीमा डग शाखामा कार्यरत्त प्रहरी जवान रुपेश चौधरीले यौनदुव्र्यबहार गरेको आरोप हो ।

राति नै प्रहरीले उनलाई पक्राउ गरेर हिरासतमा राखेको छ । धनुषाका प्रहरी उपरीक्षक (एसपी) विश्वराज खड्काले बालिकासंग प्रहरी जवानले दुव्र्यबहार गरेको बताए । प्रहरी जवानलाई नियन्त्रणमा लिएर अनुसन्धानसहित कारबाही प्रक्रिया अघि बढाइएको एसपी खड्काको भनाइ छ । आरोपी जवानलाई संरक्षण गर्न खोजेको भन्दै मिथिला नगरपालिका ९ ललागढ स्थित प्रहरीचोकी घेर्दै पूर्व पश्चिम राजमार्ग समेत अवरुद्ध गरेका हुन् । पौने १२ बजेदेखि स्थानीयले राजमार्ग अवरुद्ध गरेको वडा नं. ९ का वडाध्यक्ष सविन विक्रम थापाले बताए । थापका अनुसार सिभिल ड्रेसका रुपेश चौधरीसहितका डग शाखाका दुईजना प्रहरी जवान मदिरा सेवन गरी बस्तीतिर गएका थिए ।

कानमा केही कुरा भन्छु भनेर स्थानीय बालिकालाई बोलाउँदै यौन दुव्र्यबहार गरेको बालिकालाई उद्धृत गर्दै वडाध्यक्ष थापाले बताए । राति नै ती प्रहरी जवानलाई प्रहरी अधिकृतको उपस्थितिमा सार्वजनिक माफी माग्ना लगाउनु पर्ने र कानुनी कारबाही गर्नुपर्ने भन्दै स्थानीयले प्रहरीलाई समय दिएको थियो । तर राति नै ती प्रहरी जवानलाई मेडिकल गराएर ल्याउने भनेपनि हालसम्म चौकीमा उपस्थित नगराएपछि र सार्वजनिक रुपमा माफी नमांगाएपछि स्थानीयले रामाजर्ग नै अवरुद्ध गरेको वडाध्यक्ष थापाको भनाइ छ ।