वीरगंज । स्विटज्रल्याण्डको प्रसिद्ध म्याटरहर्न हिमनदी नजिकै मानव अवशेषहरू फेला परेका छन्, जसमा एक जर्मन पर्वतारोहीको रहेकाे छ। उनी सन् १९८६ मा हराएका थिए। जलवायु परिवर्तनका कारण हिमनदीहरू अहिले द्रुत गतिमा संकुचित हुँदै गएका छन्।
जर्मन पर्वतारोहीको शव यस महिनाको सुरुमा हिमनदीको छेउमा पुगेका आरोहीहरूले देखेका थिए। डिएनए विश्लेषणले यो शव ३७ वर्षअघि बेपत्ता भएका जर्मन आरोहीको भएको खुलासा गरेको छ। त्यसबेला, जर्मन पर्वतारोही खोज्नको लागि ठूलो खोज र उद्धार अभियान सुरु भए पनि असफल भएकाे थियाे।
प्रहरीले जर्मन आरोहीको नाम नखुलेको तर आरोहणका क्रममा बेपत्ता हुँदा उनी ३८ वर्षको मात्र भएको जनाएका छन्। आल्प्सका सबै हिमनदीहरू जस्तै, थेउदुल हिमनदी पनि केही वर्षदेखि पग्लिरहेको छ। यो हिमनदी युरोपको उच्चतम बिन्दु जर्माटको स्की क्षेत्रको हिस्सा हो।
