वीरगंज | – बलिउड अभिनेत्री शिल्पा शेट्टीले पशुपतिनाथको दर्शन गरेकी छन्। शुक्रबार नेपाल आएकी उनले शनिबार बिहान पशुपतिनाथको दर्शन गरेकी हुन्।
‘इएमएफ एसीई ग्लोबल कन्भेन्सन एण्ड अवार्ड २०२६’ मा सहभागी हुन शिल्पा नेपाल आएकी थिइन्। उनी विशेष अतिथिकारुपमा कार्यक्रममा सहभागी भएकी छन्।
भारतको इभेन्ट तथा वेडिङ उद्योगको संस्था इभेन्ट व्यवस्थापक महासंघ (इएमएफ) ग्लोबलले आफ्नो १३ औँ इएमएफ एसीई ग्लोबल कन्भेन्सन एण्ड अवार्ड २०२६ पहिलो पटक नेपालमा आयोजना गरेको छ।
कार्यक्रम आइतबारसम्म चल्ने छ। कार्यक्रममा भारतसहित विभिन्न ७ मुलुकका करिब ५५० जना इभेन्ट, वेडिङ, पर्यटन तथा आतिथ्य क्षेत्रका व्यवसायी, लगानीकर्ता, गन्तव्य विशेषज्ञ सहभागी हुने जनाइएको छ।
